Ŋkeke Siwo Dzi Wowɔe Le: August 9-11, 2019

Teƒe Siwo Wowɔe Le: Municipal Stadium si le Legia Warsaw kple Torwar Hall, Warsaw, le Poland

Gbe Siwo Me Wowɔe Le: Eŋlisigbe kple Polandgbe

Vavalawo Ƒe Agbɔsɔsɔ Gbogbotɔ: 32,069

Nyɔnyrɔxɔlawo Ƒe Xexlẽme: 190

Ame Siwo Tso Duta Ƒe Xexlẽme: 6,892

Alɔdzedɔwɔƒe Siwo Wokpe: Central Europe, Chile, Ecuador, Finland, France, Georgia, Hungary, Japan, Korea, Moldova, Romania, Ukraine, United States

Nuteƒekpɔkpɔ Aɖewo: Amedzrodzeƒe siwo takpekpevalawo dze la dometɔ ɖeka (Four Points by Sheraton Warsaw Mokotów) ƒe tatɔ, si ŋkɔe nye Aƒetɔ Kamil Kaźmierkiewicz la, ŋlɔ bena: “Dɔwɔwɔ kpli mi nɔ bɔbɔe ŋutɔ—adzɔ dzi nam ŋutɔ be magaxɔ amedzro siwo nyoa dɔme heɖea nɔnɔme nyuiwo fiana abe miawo ene. Lɔlɔ̃ sẽŋu kple ɖekawɔwɔ si le mia dome la ɖe dzesi ŋutɔ. . . . Ale si nuwo nɔ ɖoɖo nu etɔxɛe la wɔ dɔ ɖe dzinye ale gbegbe.”

Aƒetɔ Kamil Lubański, si nye ʋudaƒe ƒe dɔwɔƒe (KL Team) si xɔ dɔ be woanɔ nɔviwo kum yi takpekpewɔƒea la ƒe tatɔ, hã gblɔ be: “Tso esime míedze dɔwɔwɔ kple Yehowa Ðasefoawo teti ko la, mede dzesii be dɔwɔwɔ kpli wo avivi ŋutɔ. Woléa fɔ ɖe dɔ ŋu hewɔa nu ɖe ɖoɖo nu ale gbegbe. Wodzra ɖo ɖe takpekpe gã sia ŋu hewɔ ɖoɖo ɖe eŋu nyuie ŋutɔ. Míaƒe dɔwɔƒea wɔ dɔ na dɔwɔƒe gãgãwo, siwo dome dziɖuɖudɔwɔƒewo hã le, le wɔna tɔxɛwo wɔɣi le dukɔa ƒe teƒeteƒewo kple Europa dukɔ bubuwo hã me. Ke hã, mebɔ be nàkpɔ asisi siwo wɔa dzadzraɖo nyuiwo hewɔa nu ɖe ɖoɖo nu nenema gbegbe o. Kpuie ko la, nya nyuiwo sɔŋ koe le míaƒe ʋukulawo kple dɔwɔla bubuwo si woagblɔ tso Yehowa Ðasefowo ŋu. Míele mɔ kpɔm vevie be le etsɔme la, míagawɔ dɔ kpli mi ake.”