JULY (SIAMLƆM) 21, 2015
RUSSIA
Dedzidɔwɔlawo Xe Mɔ Ðe Biblia Nu Be Magage Ðe Russia-dukɔa Me O
Le July (Siamlɔm) 14, 2015 dzi la, Russiatɔwo ƒe dedzidɔwɔlawo gbe be Yehowa Ðasefowo megatsɔ Xexe Yeye Gɔmeɖeɖe Biblia si wotana eye wòle Russiagbe me la va Russia-dukɔa me o. Esiae nye zi gbãtɔ woɖe afɔ sia ɖe Yehowa Ðasefowo ŋu le Russia. Tso March (Tedoxe) 2015 me la, Russia dziɖuɖumegãwo meɖe mɔ be Yehowa Ðasefowo ƒe mawusubɔsubɔgbalẽwo nage ɖe Russia o, togbɔ be agbalẽ siawo dometɔ aɖeke menye esiwo Russia dziɖuɖua gblɔ be wonye Agbalẽ Siwo Dea Aglãdzedze Ƒe Dzi Ƒo o hã. Mɔxexe ɖe agbalẽawo nu be womegatsɔ wo va dukɔa me o kple ale si woɖo asi Yehowa Ðasefowo ƒe nyatakakadzraɖoƒe si nye www.dan124.com dzi nyitsɔ laa la fia be mawusubɔsubɔgbalẽ siwo Yehowa Ðasefowo tana kple esiwo woda ɖe internet dzi siaa mate ŋu age ɖe Russia-dukɔa me o.
Ɖewohĩ Esia Hã Adzɔ Dzi Na Wò
NYADZƆDZƆWO
Russia Ðo Asi JW.ORG, Si Nye Yehowa Ðasefowo Ƒe Nyatakakadzraɖoƒe La Dzi
Dziɖuɖumegãwo tso nya me be ame sia ame si aʋu jw.org le Russia alo ado bobloe la le gome kpɔm le aglãdzenuwɔna me eye woabui nu vlo wɔlae. Esia na be woxe mɔ ɖe Biblia kple Biblia-srɔ̃gbalẽwo nu.
NYADZƆDZƆWO
Taganrog Ʋɔnudrɔ̃ƒea He To Na Ðasefowo Ðe Woƒe Mawusubɔsubɔdɔwo Ta
Wobu fɔ Ðasefo 16 siwo ŋu wotsɔ nya ɖo la katã be wole gome kpɔm le aglãdzenuwɔwɔ me. Esia nye kpɔɖeŋu gbegblẽ aɖe si woɖo ɖi na dziɖuɖumegãwo si dzi woate ŋu anɔ te ɖo abu Yehowa Ðasefo siwo le Russia ƒe mawusubɔsubɔdɔwo be wonye nu vlo wɔwɔ.