2 Chronicle 13;1-22
13 Ke ọyọhọ isua efịteta emi Edidem Jeroboam akarade ke Abijah ọkọtọn̄ọ ndikara Judah.+
2 Enye akakara ke Jerusalem isua ita, ndien eka esie ekekere Micaiah,+ okonyụn̄ edi eyen Uriel kpa owo Gibeah.+ Ndien ekọn̄ asiaha ke ufọt Abijah ye Jeroboam.+
3 Ntre Abijah ada udịmekọn̄ emi esịnede n̄kpọsọn̄ owo tọsịn ikie inan̄, kpa mbon emi ẹmekde, aka ekọn̄.+ Jeroboam onyụn̄ etịm udịmekọn̄ emi esịnede n̄kpọsọn̄ iren uko+ tọsịn ikie itiaita, kpa irenowo emi ẹmekde.
4 Ndien Abijah ọdọk akada ke Obot Zemaraim, emi odude ke obot obot ikpehe Ephraim,+ onyụn̄ ọdọhọ ete: “O Jeroboam ye ofụri Israel, ẹkop uyo mi.
5 Nte mbufo ifiọkke ke Jehovah Abasi Israel akada ediomi inụn̄+ ọnọ David ubọn̄,+ enye ye nditọ+ esie, ete akara Israel ke nsinsi?+
6 Ndien Jeroboam+ eyen Nebat, kpa asan̄autom+ Solomon eyen David, adaha ada ọsọn̄ ibuot+ ye ọbọn̄ esie.+
7 Ndien mbon unana ubọkutom,+ kpa mbukpo owo,+ ẹsop idem ọtọkiet ye enye. Ekem mmọ ẹsọn̄ odudu ẹkan Rehoboam+ eyen Solomon, ke ini Rehoboam edide eyenọwọn̄ onyụn̄ ememde esịt,+ ndien enye ikemke ubọk ye mmọ.
8 “Ndien mbufo ẹkere ke mmimọ iyekem ubọk ye obio ubọn̄ Jehovah emi nditọ David ẹkarade,+ koro mbufo ẹdide akamba otuowo+ ẹnyụn̄ ẹnyenede nditọ enan̄ gold emi Jeroboam akanamde ọnọ mbufo nte mme abasi.+
9 Nte mbufo ibịnke mme oku+ Jehovah, kpa nditọ Aaron, ye nditọ Levi ision̄o, nte mbufo inyụn̄ inịmke mme oku inọ idem mbufo kpa nte mbon idụt efen ẹnamde?+ Ndien owo ekededi eke esịnde odudu ke ubọk esie ọyọhọ ke ndiwa abak ayara enan̄ ye okukịm erọn̄ itiaba, kpa enye akabade edi oku ọnọ se mîdịghe abasi.+
10 Edi amaedi nnyịn, Jehovah edi Abasi+ nnyịn, nnyịn ikpọn̄ke enye; ndien mme oku kpa nditọ Aaron ke ẹwa uwa ẹnọ Jehovah, nditọ Levi ke ẹnyụn̄ ẹnam utom.+
11 Ndien mmọ ke ẹwa edifọp uwa ẹnọ Jehovah kpukpru usenubọk ye kpukpru mbubreyo,+ ke ẹnyụn̄ ẹfọp edifuọn̄ incense+ n̄ko; ndien ẹdori uyo emi ẹtan̄de-tan̄ ẹkọk ke okpokoro emi ẹdade ata gold+ ẹnam, ẹnyụn̄ ẹbon mme uwụk utuenikan̄+ gold ye mme utuenikan̄ mmọ man ẹdomo kpukpru mbubreyo;+ koro nnyịn inịmde ewụhọ+ Jehovah Abasi nnyịn, edi mbufo ẹmekpọn̄ enye.+
12 Ndien, sese! ata Abasi+ edi etubom nnyịn, enye ye mme oku esie,+ mme obukpon̄+ ẹnyụn̄ ẹdu ndida nnam uyom ekọn̄ mban̄a mbufo. O nditọ Israel, mbufo ẹkûn̄wana ye Jehovah Abasi mme ete ete+ mbufo, koro mbufo mîdikwe unen.”+
13 Ndien Jeroboam osio mbon udịbe man mmọ ẹto edem edem ẹwọn̄ọde ẹdi, ntre mmọ ẹdu Judah ke iso ndien mbon udịbe ẹdu mmọ ke edem.+
14 Ke ini mbon Judah ẹwọn̄ọrede ẹse, sese, ekọn̄ odu mmọ ke iso ye ke edem.+ Ndien mmọ ẹseme ẹkot Jehovah,+ ke adan̄aemi mme oku ẹfride obukpon̄ ke ọkpọsọn̄ uyo.
15 Ndien mbon Judah ẹfiori n̄kpo ekọn̄.+ Ndien edikem ke ini mbon Judah ẹfioride n̄kpo ekọn̄, ata Abasi akan+ Jeroboam ye ofụri Israel ke iso Abijah+ ye Judah.
16 Ndien nditọ Israel ẹfen̄e ke iso Judah, ndien Abasi ayak mmọ esịn mbon Judah ke ubọk.+
17 Ndien Abijah ye ikọt esie ẹkpen̄e ata ediwak mmọ; ndien mbon Israel oro ẹwotde, kpa ndimek owo tọsịn ikie ition, ẹduọn̄ọ.
18 Ntem ke ẹkekan nditọ Israel ini oro, edi nditọ Judah ẹsọn̄ odudu ẹkan mmọ koro mmọ ẹkeberide edem+ ke Jehovah Abasi mme ete ete mmọ.
19 Ndien Abijah ebịne Jeroboam ọkọbọ enye mme obio, Bethel+ ye n̄kpri obio esie, Jeshanah ye n̄kpri obio esie, Ephrain ye n̄kpri obio esie.+
20 Ndien Jeroboam ikenyeneke aba odudu+ ke eyo Abijah; ekem Jehovah ọtọ+ enye owot.
21 Ndien Abijah aka iso okop odudu.+ Ekem enye ọdọ iban duopenan̄,+ onyụn̄ obon nditọiren edịp ye iba+ ye nditọiban efịtekiet.
22 Ndien ẹwet mme n̄kpọ efen emi ẹban̄ade Abijah, ido esie ye ikọ esie, ẹsịn ke n̄wed mbụk prọfet Iddo.+
