Mme N̄ke 9;1-18
9 Ata ọniọn̄+ ọmọbọp ufọk esie;+ enye ọmọsọi adaha esie mbitiaba.
2 Enye odiomi ndiwot unam; enye amabuak wine esie; akan oro, enye emebri okpokoro esie.+
3 Enye omosio ifịn iban esie ọdọn̄, man ẹfiori ke enyọn̄ edikon̄ ebiet ke obio, ẹte:
4 “Yak owo ekededi emi edide ọkọi awaha edi mi.”+ Owo ekededi emi ananade ibuot+—enye ọdọhọ enye ete:
5 “Ẹdi, ẹdita uyo ẹnyụn̄ ẹn̄wọn̄ wine emi mbuakde.+
6 Ẹkpọn̄ mme ọkọi ẹnyụn̄ ẹdu uwem,+ ndien ẹsan̄a nnennen ke usụn̄ asian.”+
7 Owo eke enen̄erede asak-nsahi ada esuene+ ọsọk idemesie, ndien owo eke asuade ọnọ idiọkowo obiomo idemesie ndo.+
8 Kûsua unọ asak-nsahi, mbak enye edisua fi.+ Sua nọ owo ọniọn̄ ndien enye ayama fi.+
9 Nọ owo ọniọn̄ item ndien enye ọyọdọdiọn̄ edi ọniọn̄.+ Kpep edinen owo ifiọk ndien enye ọyọdọdiọn̄ enyene ifiọk.
10 Ndibak Jehovah edi ntọn̄ọ ọniọn̄,+ ndien ndifiọk Ata Edisana Abasi edi asian.+
11 Koro ami nyanam mme usen fo ẹwak,+ ẹyenyụn̄ ẹdian mme isua ẹnọ fi.+
12 Edieke afo enyenede ọniọn̄, afo enyene ọniọn̄ ọnọ idemfo;+ edieke afo onyụn̄ asakde nsahi, afo edibiom enye, sụk afo ikpọn̄.+
13 Ndisịme an̄wan etie uyom uyom.+ Enye edi anana-ibuot owo inyụn̄ ifiọkke n̄kpọ ndomokiet.+
14 Enye osụhọde etie ke inuaotop ufọk esie, ke ifịm, ke edikon̄ ebiet ke obio,+
15 ndifiori n̄kot mbon oro ẹsan̄ade ẹbe ke usụn̄, mbon oro ẹsan̄ade nnennen ke usụn̄ mmọ,+ ete:
16 “Yak owo ekededi emi edide ọkọi awaha edi mi.”+ Ndien owo ekededi emi ananade ibuot+—n̄wan oro ọdọhọ enye n̄ko ete:
17 “Mmọn̄ emi ẹyịpde-yịp enenịn̄e,+ ndien uyo emi ẹtade ke ndịbe enenem.”+
18 Edi enye ifiọkke ite ke mbon oro mînyeneke odudu ke n̄kpa ẹdu do, ke mbon oro enye okotde ẹdu ke mme usụhọde ebiet Udi.*+
Mme Ikọ Idakisọn̄
^ Heb., “Sheol.”
