Genesis 4;1-26
4 Ekem Adam enyene ebuana ye Eve n̄wan esie ndien enye oyomo.+ Ntre enye aman Cain+ onyụn̄ ọdọhọ ete: “Jehovah aman̄wam mi mman eyeneren.”+
2 Ekem enye aman Abel+ eyeneka esie.
Ndien Abel edi ekpemerọn̄,+ Cain onyụn̄ edi ọtọin̄wan̄.+
3 Ekem ke ndusụk ini ẹma ẹkebe, Cain ada ndusụk mbun̄wụm in̄wan̄+ edinam uwa ọnọ Jehovah.+
4 Abel n̄ko ada ndusụk ke otu akpa nditọ ufene+ esie edi, akpan akpan mbon oro ẹnyenede isek.+ Edi ke adan̄aemi Jehovah enyịmede Abel ye uwa+ esie,
5 enye inyịmeke Cain ye uwa+ esie. Ndien Cain enen̄ede ofụt esịt,+ iso esie onyụn̄ okpụhọde.
6 Ekem Jehovah ọdọhọ Cain ete: “Nso inam esịt enen̄erede ofụt fi, nso inyụn̄ inam iso okpụhọrede fi?
7 Edieke akpakabarede esịt anam se ifọnde, nte owo ikpemenekede fi ke enyọn̄?+ Edi edieke mûkabakede esịt unam se ifọnde, idiọkn̄kpọ ke ana ebet fi ke enyịnusụn̄, ndien enen̄ede ọdọn̄+ enye ndimụm fi; ndi afo eyekeme ndikan enye?”+
8 Ke oro ebede, Cain ọdọhọ Abel eyeneka esie ete: “Di ika in̄wan̄.” Edikem ke adan̄aemi mmọ ẹdude ke in̄wan̄, Cain eyịbi Abel eyeneka esie owot.+
9 Ekem Jehovah obụp Cain ete: “Abel eyenuka odu m̀mọ̀n̄?”+ ndien enye ọbọrọ ete: “Mfiọkke. Ndi ami ndi andikpeme eyeneka mi?”+
10 Ntem enye ọdọhọ ete: “Nso ke afo anam emi? Sese! Iyịp eyenuka ke ofiori ke isọn̄ okot mi.+
11 Ke emi ẹmesụn̄i fi ẹnyụn̄ ẹbịn fi ẹfep ke isọn̄+ emi atatde inua esie ọbọ iyịp eyenuka ke ubọk+ fo.
12 Ke ini afo ọtọde n̄kpọ ke isọn̄, enye idifọnke n̄kpọ.+ Afo ayakabade edi andiyo ye nyon̄ ke iso isọn̄.”+
13 Ntem Cain ọdọhọ Jehovah ete: “Ufen ndudue mi okpon akaha ndibiom.
14 Sese afo emebịn mi mfịn emi efep ke iso isọn̄, nyonyụn̄ ndịbe+ fi ke enyịn; nnyụn̄ n̄kabade ndi andiyo+ ye nyon̄ ke iso isọn̄, ndien owo ekededi eke edikụtde mi iditreke ndiwot mi.”+
15 Ntem Jehovah ọdọhọ enye ete: “Ke ntak emi, owo ekededi eke ediwotde Cain, ẹyesio enye usiene utịm ikatiaba.”+
Ndien Jehovah enịm idiọn̄ọ aban̄a Cain mbak owo ekededi eke okụtde enye ediwot enye.+
16 Ntre Cain adaha ọkpọn̄ iso Jehovah+ okodụn̄ ke isọn̄ Nyon̄ ke edem usiahautịn Eden.
17 Ke oro ama ekebe, Cain enyene ebuana ye n̄wan+ esie ndien enye oyomo onyụn̄ aman Enoch. Ndien enye ọbọp obio onyụn̄ ada enyịn̄ Enoch eyen esie osio obio oro.+
18 Ekem Enoch obon Irad. Ndien Irad obon Mehujael, Mehujael obon Methushael, Methushael onyụn̄ obon Lamech.
19 Ndien Lamech ọdọ iban iba. Akpa n̄wan ekere Adah, ọyọhọ iba onyụn̄ ekere Zillah.
20 Ekem Adah aman Jabal. Enye akabade edi ete mme andidụn̄ ke mme tent+ ye mme andinyene ufene.+
21 Eyeneka esie ekere Jubal. Enye akabade edi ete kpukpru mme ebre harp+ ye mme efri ifiom.+
22 Zillah n̄ko aman Tubal-cain, andidom kpukpru orụk n̄kpọutom okpoho ye ukwak.+ Ndien eyeneka Tubal-cain an̄wan ekekere Naamah.
23 Ekem Lamech ada ikọ emi etịn̄ uto ọnọ iban esie Adah ye Zillah ete:“Mbufo iban Lamech, ẹkop uyo mi;Ẹkpan̄ utọn̄ ke ikọ mi:Mma n̄wot owo koro enye ọkọnọde mi unan,Ih, mma n̄wot akparawa koro enye ọkọtọde mi ita.
24 Edieke anade ẹsio Cain usiene+ utịm ikatiaba,
Do ẹyesio Lamech usiene utịm ike ata ye efịteba.”
25 Ekem Adam ọtọn̄ọ ntak enyene ebuana ye n̄wan esie ndien enye aman eyeneren, n̄wan esie onyụn̄ osio enye enyịn̄ Seth,+ koro enye ọdọhọde ete: “Abasi emek mfri efen ọnọ mi ke itie Abel, koro Cain okowotde enye.”+
26 Ndien Seth n̄ko obon eyeneren onyụn̄ osio enye enyịn̄ Enosh.+ Ini oro ke ẹketọn̄ọ ndikot enyịn̄ Jehovah.+
