Hosea 13;1-16
13 “Ke ini Ephraim etịn̄de ikọ, idem enyek owo; enye okop odudu ke Israel.+ Edi enye enyene ubiomikpe ke ikọ aban̄ade Baal+ onyụn̄ akpa.+
2 Ndien ke emi mmọ ẹdọdiọn̄ ẹnam idiọk ẹnyụn̄ ẹda silver mmọ ẹnam editara mbiet ẹnọ idemmọ,+ ẹnam ndisọi n̄kpọ nte ifiọk mmọ edide,+ kpukpru ẹdi utom mme anamusọ.+ Mmọ ẹdọhọ mmọ ẹte, ‘Yak irenowo emi ẹdide mme andiwa uwa ẹtịm nditọ enan̄ inua.’+
3 Ntre mmọ ẹyekabade ẹtie nte ntuhube usenubọk+ ye nte mbara eke ọsọpde asat; ẹyebiet mbio eke ofụm asuande osion̄o ke ọtọ udịghi wheat+ ye nte nsụn̄ikan̄ eke ọwọrọde ke ndudu enyọn̄ ọkọm.
4 “Edi ami ndi Jehovah Abasi fo toto ke isọn̄ Egypt,+ ndien afo ukọfiọkke Abasi efen ke mîbọhọke ami; andinyan̄a efen ikonyụn̄ idụhe ke mîbọhọke ami.+
5 Ami n̄kọfiọk fi ke wilderness,+ ke isọn̄ ufiopidem.+
6 Nte in̄wan̄ mbiet mmọ etiede anam mmọ ẹkop uyụhọ.+ Mmọ ẹkop uyụhọ ẹnyụn̄ ẹtan̄ idem.+ Ntak edi oro mmọ ẹfrede mi.+
7 Ndien ami nyakabade ntie ye mmọ nte eyen ekpe.+ Nyetie nse mmọ nte anawụri ekpe emi anade ke usụn̄.+
8 Ami nyebịne mmọ nte bear emi atabade nditọ esie,+ nyonyụn̄ n̄wai mmọ ikpanesịt. Ndien nyata mmọ do nte ekpe;+ unam ikọt ayawai mmọ mbai mbai.+
9 O Israel, enye ayada nsobo ọsọk fi,+ koro afo anamde emi ye ami, anamde enye ye andin̄wam fi.+
10 “Enye ndien edidem fo, man enye anyan̄a fi ke kpukpru mme obio fo,+ enye mme ebiereikpe fo, emi afo eketịn̄de aban̄a, ete, ‘Nọ mi edidem ye mbọn̄’?+
11 Ami n̄kọnọ fi edidem ke iyatesịt mi,+ ndien nyemen enye mfep ke ifụtesịt mi.+
12 “Ẹmebọp ndudue Ephraim ẹnịm, ẹmenyụn̄ ẹtịm idiọkn̄kpọ esie ẹnịm.+
13 Ubiak an̄wan uman oyotụk enye.+ Enye idịghe eyen ọniọn̄,+ koro enye ididaha ibịghi ke ekemde ini nditọ ndiwọrọ ke itie eyen mmana.+
14 “Nyafak mmọ nsio Udi* ke ubọk;+ nnyanyan̄a mmọ nsio ke n̄kpa.+ O N̄kpa, ifọt fo enye?+ O Udi,* odudu nsobo fo enye?+ Koro enyịn mi mîdituaha mbọm.+
15 “Edieke enye asiahade nte nsek nnyanyan̄a,+ ofụm edem usiahautịn, kpa ofụm Jehovah, eyedi.+ Enye oyoto wilderness ọdọk edi, ndien ayanam obube mmọn̄ esie asat onyụn̄ okot mmọn̄ osio ke idịm esie.+ Enye oyobụme ebiet eke ẹbonde kpukpru ndiye n̄kpọ esie.+
16 “Ẹyebiom Samaria ikpe,+ koro enye ọsọn̄de ibuot ye Abasi esie.+ Mmọ ẹyeduọn̄ọ ke akan̄kan̄.+ Ẹyekpok nditọ mmọ n̄ken̄e n̄ken̄e,+ ẹyenyụn̄ ẹkịm iban idịbi mmọ idịbi ẹsiak.”+
