Isaiah 54;1-17
54 “Sio n̄kpo idara, afo ada emi mûmanke eyen!+ Dat esịt, sio n̄kpo idara nyụn̄ fiori,+ afo emi mûkopke ubiak uman,+ koro nditọ ikpọn̄-an̄wan ẹwakde ẹkan nditọ n̄wan emi enyenede ebe,”+ Jehovah ọdọhọ.
2 “Nam ebiet tent fo etetịm an̄wan̄a.+ Nyụn̄ yak mmọ ẹtat mme ọfọn̄ tent akwa ebietidụn̄ fo. Kûfam ubọk. Nam mme urụk tent fo ẹniọn̄, nyụn̄ nam mme ọkpọhọ tent fo ẹsọn̄.+
3 Koro afo ayasiaha ke nnasia ye ke ufien,+ ndien nditọ fo ẹyeda mme idụt ẹnyene,+ mmọ ẹyenyụn̄ ẹdụn̄ ke mme obio oro ẹnade ndon.+
4 Kûfehe ndịk,+ koro owo idinamke fi adia bụt;+ kûkere ke ẹsuene fi, koro afo udukwe edikpu.+ Koro afo eyefre bụt ini uyen fo,+ udunyụn̄ utịghi aba esuene oro ẹkesuenede fi ke ini emi afo ekedide ebeakpa.”
5 “Koro Akwa Andinam fi+ edide ebe fo,+ Jehovah mme udịm edi enyịn̄ esie;+ Edisana Abasi Israel onyụn̄ edi Andifak fi.+ Ẹdikot enye Abasi ofụri isọn̄.+
6 Koro Jehovah okokot fi nte n̄kpọ eke afo edide n̄wan emi ẹkpọn̄de ofụri ofụri emi onyụn̄ ofụhọde ke spirit,+ ye nte n̄wan ini uyen+ emi ẹkesịnde ini oro,”+ Abasi fo ọdọhọ.
7 “Koro mma n̄kpọn̄ fi ofụri ofụri ke ekpri ini,+ edi nyada akwa mbọm ntan̄ fi mbon ọtọkiet.+
8 Ke ọkpọsọn̄ iyatesịt mma ndịp fi iso mi ke ekpri ini,+ edi nyatua fi mbọm ke ntak emi ima-mfọnido mi odude ke nsinsi,”+ Andifak fi,+ Jehovah, ọdọhọ.
9 “Emi etie mi kpa nte mme usen Noah.+ Kpa nte n̄kọn̄wọn̄ọde nte ke mmọn̄ Noah idisan̄ake aba ibe ke isọn̄,+ kpasụk ntre ke n̄n̄wọn̄ọ nte ke ndiyatke esịt ye afo, ndinyụn̄ nsuaha nnọ fi.+
10 Koro ẹkeme ndimen ikpọ obot mfep, n̄kpri obot ẹnyụn̄ ẹkeme ndisehede,+ edi owo idimenke ima-mfọnido mi ikpọn̄ fi,+ ediomi emem mi idinyụn̄ isehekede,”+ Jehovah, Enye emi atuade fi mbọm,+ ọdọhọ.
11 “O n̄wan ukụt,+ emi oyobio emende otop,+ emi mîkopke ndọn̄esịt,+ sese ami mmọn̄ nda mbat eke ọsọn̄de n̄kọk itiat fo,+ nyonyụn̄ nda sapphire+ nsịn itiat idakisọn̄+ fo.
12 Ndien nyada ruby nnam mme ibibene ukpeme fo, nnyụn̄ nda itiat eke esemde nte ikan̄ nnam mme inuaotop fo,+ nnyụn̄ nda ndiye itiat nnam kpukpru mme adan̄a fo.
13 Ndien kpukpru nditọ fo+ ẹdidi mbon oro Jehovah ọnọde ukpep,+ ndien emem nditọ fo oyokpon.+
14 Ẹyesọn̄ọ ẹwụk fi ke edinen ido.+ Afo oyodu oyom usụn̄ ọkpọn̄ ufịk+—koro afo udufeheke baba n̄kpọ kiet—ye n̄kpọndịk ekededi, koro enye idisan̄ake ikpere fi.+
15 Edieke owo ekededi edin̄wanade ye afo, idịghe ami ndidọn̄ enye.+ Owo ekededi eke edin̄wanade ye afo ọyọduọ ke ntak fo.”+
16 “Sese! Ami mbot anamutom usọ, enye emi efride+ ikan̄ ukan̄+ onyụn̄ odomde n̄kpọekọn̄ nte ubọkutom esie. Ami n̄ko mmobot osobo-nsobo+ man abiat utom.
17 N̄kpọekọn̄ ekededi eke ẹdibotde ẹban̄a fi idikwe unen,+ ndien edeme ekededi eke edidahade ada anam ikọ ye afo, afo oyobiom enye ikpe.+ Emi edi udeme mme asan̄autom Jehovah,+ edinen ido mmọ onyụn̄ oto mi,” uyo Jehovah edi emi.+
