Joshua 15;1-63
15 Ndien afia+ ọduọ ọnọ nditọ Judah nte mme ubon mmọ ẹdide ke adan̄a Edom,+ wilderness Zin,+ tutu esịm Negeb+ ke n̄kan̄ edem usụk esie.
2 Ndien adan̄a mmọ eke edem usụk ọtọn̄ọ ke n̄kan̄ utịt utịt Inyan̄ Inụn̄,+ ọtọn̄ọde ke itụn̄ inyan̄ibom emi esede edem usụk.
3 Ndien enye ada ekesịm n̄kan̄ edem usụk ke usụn̄ emi ọdọkde aka Akrabbim+ onyụn̄ ebe esịm Zin,+ ọtọn̄ọde ke edem usụk ọdọk ekesịm Kadesh-barnea+ onyụn̄ ebe esịm Hezron ndien ọdọk esịm Addar onyụn̄ asan̄a akanade ekesịm Karka.
4 Ndien ebe esịm Azmon+ onyụn̄ ọdọk esịm itịghede mmọn̄ Egypt;+ adan̄a oro onyụn̄ ada ekeberi ibuot ke inyan̄. Emi ekedi adan̄a mmọ ke edem usụk.
5 Ndien adan̄a n̄kan̄ edem usiahautịn ekedi Inyan̄ Inụn̄ tutu esịm inua Akpa Jordan, adan̄a n̄kan̄ edem edere onyụn̄ edi ke itụn̄ inyan̄ibom, ke inua Akpa Jordan.+
6 Ndien adan̄a oro ọdọk ekesịm Beth-hoglah+ onyụn̄ ebe ke edere Beth-arabah,+ ọdọk ekesịm itiat Bohan+ eyen Reuben.
7 Adan̄a oro ọdọk ekesịm Debir ke unaisọn̄ itịghede Achor+ onyụn̄ ọwọn̄ọde aka n̄kan̄ edem edere emi akade Gilgal,+ emi asakde iso ese usụn̄ emi ọdọkde aka Adummim, ke edem usụk itịghede mmọn̄; ndien adan̄a oro ebe ekesịm mmọn̄ En-shemesh,+ ada ekeberi ibuot ke En-rogel.+
8 Ndien adan̄a oro oto itịghede eyen Hinnom+ ọdọk tutu ekesịm usụhọde obot mbon Jebus+ ke edem usụk, oro edi, Jerusalem;+ adan̄a oro onyụn̄ ọdọk ekesịm ibuot obot oro esede itịghede Hinnom ke edem usoputịn, emi odude ke utịt utịt unaisọn̄ itịghede Rephaim+ ke edem edere.
9 Ndien ẹnịm adan̄a ọtọn̄ọde ke ibuot obot oro tutu ekesịm idịm mmọn̄ Nephtoah,+ onyụn̄ ebe ekesịm mme obio Obot Ephron; ẹnyụn̄ ẹnịm adan̄a ẹkesịm Baalah,+ oro edi, Kiriath-jearim.+
10 Ndien adan̄a oro ọtọn̄ọ ke Baalah akanade aka n̄kan̄ edem usoputịn tutu esịm Obot Seir onyụn̄ ebe ekesịm usụhọde Obot Jearim ke edem edere, oro edi, Chesalon; ndien osụhọde aka Beth-shemesh+ onyụn̄ ebe ekesịm Timnah.+
11 Ndien adan̄a ada ediwọrọ ke usụhọde obot Ekron+ ke edem edere, ẹnyụn̄ ẹnịm adan̄a ke Shikkeron ndien ebe ekesịm Obot Baalah onyụn̄ ediwọrọ ke Jabneel; ndien adan̄a oro ediberi ibuot ke inyan̄.
12 Adan̄a n̄kan̄ edem usoputịn ekedi ke Akwa Inyan̄+ ye mben esie. Ofụri adan̄a nditọ Judah ekedi emi, nte mme ubon mmọ ẹdide.
13 Ndien enye ọnọ Caleb+ eyen Jephunneh udeme ke otu nditọ Judah kpa nte Jehovah okowụkde Joshua, oro edi, Kiriath-arba (ẹkedọhọ ke Arba ekedi ete Anak), oro edi, Hebron.+
14 Ntem Caleb ebịn nditọ Anak+ mbita osion̄o ke ebiet oro, oro edi, Sheshai+ ye Ahiman ye Talmai,+ kpa mbon emi Anak+ okobonde.
15 Ekem enye oto do ọdọk okosobo ye mme andidụn̄ Debir.+ (Enyịn̄ Debir ke mbemiso ekedi Kiriath-sepher.)+
16 Ndien Caleb ọdọhọ ete: “Owo ekededi eke edin̄wanade ye Kiriath-sepher edinyụn̄ akande enye, ami nditreke ndinọ enye Achsah+ eyen mi an̄wan ọdọ.”
17 Ntem Othniel+ eyen Kenaz,+ eyeneka Caleb, akan obio oro. Ntre enye ọnọ enye Achsah+ eyen esie an̄wan ọdọ.
18 Edikem ke ini eyenan̄wan emi akade ke usụn̄ unyọn̄, enye eyịre ebe esie ete eben̄e ete imọ in̄wan̄. Ndien eyenan̄wan oro akwak ubọk ke ini enye odorode ke ass. Ntem Caleb obụp enye ete: “Nso ke afo oyom?”+
19 Ntre enye ọbọrọ ete: “Diọn̄ mi, koro afo ọnọde mi ubak isọn̄ ke edem usụk, edi nọ mi Gulloth-maim.” Ntem ete esie ọnọ enye Enyọn̄ Enyọn̄ Gulloth ye Usụk Usụk Gulloth.+
20 Emi ekedi udeme+ esien nditọ Judah+ nte mme ubon mmọ ẹdide.
21 Ndien mme obio emi ẹkedude ke utịt esien nditọ Judah ke n̄kan̄ adan̄a Edom+ ke edem usụk ẹkedi Kabzeel+ ye Eder ye Jagur,
22 ye Kinah ye Dimonah ye Adadah,
23 ye Kedesh ye Hazor ye Ithnan,
24 Ziph ye Telem+ ye Bealoth,
25 ye Hazor-hadattah ye Kerioth-hezron, oro edi, Hazor,
26 Amam ye Shema ye Moladah,+
27 ye Hazar-gaddah ye Heshmon ye Beth-pelet,+
28 ye Hazar-shual+ ye Beer-sheba+ ye Biziothiah,
29 Baalah+ ye Iim ye Ezem,+
30 ye Eltolad ye Chesil ye Hormah,+
31 ye Ziklag+ ye Madmannah ye Sansannah,
32 ye Lebaoth ye Shilhim ye Ain+ ye Rimmon;+ kpukpru obio ẹdi edịp ye usụkkiet, ọkọrọ ye mme obio-in̄wan̄ mmọ.
33 Mme obio emi ẹkedude ke Shephelah+ ẹkedi Eshtaol+ ye Zorah+ ye Ashnah,
34 ye Zanoah+ ye En-gannim, Tappuah ye Enam,
35 Jarmuth+ ye Adullam,+ Socoh+ ye Azekah,+
36 ye Shaaraim+ ye Adithaim ye Gederah ye Gederothaim; obio duopenan̄ ye mme obio-in̄wan̄ mmọ.
37 Zenan ye Hadashah ye Migdal-gad,
38 ye Dilean ye Mizpeh ye Joktheel,
39 Lachish+ ye Bozkath+ ye Eglon,+
40 ye Cabbon ye Lahmam ye Chitlish,
41 ye Gederoth, Beth-dagon ye Naamah ye Makkedah;+ obio efịtekiet ye mme obio-in̄wan̄ mmọ.
42 Libnah+ ye Ether+ ye Ashan,
43 ye Iphtah ye Ashnah ye Nezib,
44 ye Keilah+ ye Achzib+ ye Mareshah;+ obio usụkkiet ye mme obio-in̄wan̄ mmọ.
45 Ekron+ ye n̄kpri obio esie ye mme obio-in̄wan̄ esie.
46 Ọtọn̄ọde ke n̄kan̄ edem usoputịn Ekron ofụri n̄kan̄ Ashdod ye mme obio-in̄wan̄ mmọ.
47 Ashdod,+ n̄kpri obio esie ye mme obio-in̄wan̄ esie; Gaza,+ n̄kpri obio esie ye mme obio-in̄wan̄ esie, osụhọde ekesịm itịghede mmọn̄ Egypt, ye Akwa Inyan̄ ye mben esie.+
48 Ndien ke obot obot ikpehe Shamir ye Jattir+ ye Socoh,
49 ye Dannah ye Kiriath-sannah, oro edi, Debir,
50 ye Anab ye Eshtemoh+ ye Anim,
51 ye Goshen+ ye Holon ye Giloh;+ obio duopekiet ye mme obio-in̄wan̄ mmọ.
52 Arab ye Dumah ye Eshan,
53 ye Janim ye Beth-tappuah ye Aphekah,
54 ye Humtah ye Kiriath-arba, oro edi, Hebron,+ ye Zior; obio usụkkiet ye mme obio-in̄wan̄ mmọ.
55 Maon,+ Carmel ye Ziph+ ye Juttah,
56 ye Jezreel ye Jokdeam ye Zanoah,
57 Kain, Gibeah ye Timnah;+ obio duop ye mme obio-in̄wan̄ mmọ.
58 Halhul, Beth-zur ye Gedor,
59 ye Maarath ye Beth-anoth ye Eltekon; obio itiokiet ye mme obio-in̄wan̄ mmọ.
60 Kiriath-baal,+ oro edi, Kiriath-jearim,+ ye Rabbah; obio iba ye mme obio-in̄wan̄ mmọ.
61 Ke wilderness Beth-arabah,+ Middin ye Secacah,
62 ye Nibshan ye Obio Inụn̄ ye En-gedi;+ obio itiokiet ye mme obio-in̄wan̄ mmọ.
63 Amaedi mbon Jebus+ emi ẹkedụn̄de ke Jerusalem,+ nditọ Judah ikekemeke ndibịn mmọ mfep;+ ndien mbon Jebus ẹka iso ẹdụn̄ ye nditọ Judah ke Jerusalem tutu esịm mfịn emi.
