Micah 3;1-12
3 Ndien ami ndọhọ nte: “Mbọk, mbufo mme etubom Jacob ye mbufo mme etubom ekọn̄ ufọk Israel, ẹkop.+ Nte idịghe mbubehe mbufo ndifiọk unenikpe?+
2 Mbufo emi ẹsuade se ifọnde+ ẹnyụn̄ ẹmade se idiọkde,+ emi ẹyan̄ade mme owo ikpa ke idem ye obụk ke mme ọkpọ mmọ;+
3 mbufo emi ẹnyụn̄ ẹtade obụkidem ikọt mi,+ emi ẹyan̄ade mmọ ikpa ke idem, ẹnyụn̄ ẹbomde mme ọkpọ mmọ, ẹnyụn̄ ẹnuakde mmọ mbai mbai nte n̄kpọ emi esịnede ke an̄wan̄a-inua eso ye nte obụk ke esịt eso utemudia.+
4 Ke ini oro mmọ ẹyekot Jehovah ẹyom un̄wam, edi enye idiyereke mmọ.+ Enye oyonyụn̄ edịp mmọ iso esie ke ini oro,+ ke ntak idiọk edinam mmọ.+
5 “Ntem ke Jehovah ọdọhọ aban̄a mme prọfet emi ẹnamde ikọt mi ẹyo,+ emi ẹdomde owo ke edet+ ẹnyụn̄ ẹfioride ẹte, ‘Emem!’+ ndien ke ini owo mîsịnke mmọ n̄kpọ ke inua, mmọ ẹda ekọn̄ ẹtiene enye,+
6 ‘Mmọdo mbufo ẹyenyene okoneyo+ eke n̄kukụt mîdidụhe;+ ẹyenyụn̄ ẹnyene ekịm, mbak ẹdibre idiọn̄. Ndien utịn oyosop abaha mme prọfet, uwemeyo oyonyụn̄ ekịm abaha mmọ.+
7 Ndien bụt+ ayanam mme okụt-n̄kukụt,+ mbiaidiọn̄+ ẹyenyụn̄ ẹkụt edikpu. Ndien kpukpru mmọ ẹyefụk n̄kaminua,+ koro Abasi mînọhọ mmọ ibọrọ ndomokiet.’”+
8 Ndien, n̄ko, spirit Jehovah ye spirit unenikpe ye uko,+ ọnọ mi odudu, man nsian Jacob nsọn̄ibuot esie nnyụn̄ nsian Israel idiọkn̄kpọ esie.+
9 Mbọk, mbufo mme etubom ufọk Jacob ye mbufo mme etubom ekọn̄ ufọk Israel,+ ẹkop, mbufo emi ẹsuade unenikpe ẹnyụn̄ ẹnamde kpukpru n̄kpọ eke ẹnende ẹkwan̄a;+
10 emi ẹdade mme edinam uduọkiyịp ẹbọp Zion ẹnyụn̄ ẹdade ukwan̄ido ẹbọp Jerusalem.+
11 Mme etubom esie ẹbọ ubọkedem+ ẹbiere ikpe, mme oku esie ẹnyụn̄ ẹnọ ukpep ke ekọmurua,+ ndien mme prọfet esie ẹbre idiọn̄ ke ntak okụk;+ edi mmọ ẹberi edem ke Jehovah, ẹnyụn̄ ẹdọhọ ẹte: “Nte Jehovah idụhe ke otu nnyịn?+ Afanikọn̄ ndomokiet idisịmke nnyịn.”+
12 Mmọdo, ke ntak mbufo ẹyefụn̄ Zion nte in̄wan̄, ndien Jerusalem ayakabade edi ibombom n̄wụre,+ obot ufọk Abasi oyonyụn̄ akabade etie nte edikọn̄ ebiet akai.
