Psalm 106;1-48
106 Mbufo ẹtoro Jah!+Ẹkọm Jehovah, koro enye ọfọnde;+Koro ima-mfọnido esie odude ke nsinsi.+
2 Anie ekeme nditịn̄ n̄kpọsọn̄ utom Jehovah,+M̀mê ndinam ẹkop kpukpru itoro esie?+
3 Mmọ emi ẹnamde se inende,+Ẹnyụn̄ ẹnamde edinen ido kpukpru ini, ẹkop inemesịt.+
4 O Jehovah, ti mi ke ini afo ọfọnde ido ye ikọt fo.+Se ban̄a mi nyụn̄ nyan̄a mi,+
5 Man n̄kpokụt eti n̄kpọ emi afo anamde ọnọ ndimek ikọt fo,+Man n̄kpadat esịt ke ini idụt fo adatde esịt,+Man n̄kpobụre mbụre ye udeme fo.+
6 Nnyịn imanam idiọkn̄kpọ kpa nte mme ete ete nnyịn ẹkenamde;+Nnyịn imedue; nnyịn imanam se idiọkde.+
7 Amaedi mme ete ete nnyịn ke Egypt,Mmọ iketịmke ikere mme utịbe edinam fo.+Mmọ iketịghi uwak ima-mfọnido fo,+Edi mmọ ẹma ẹsọn̄ ibuot ke inyan̄, ke Ididuot Inyan̄.+
8 Ndien enye anyan̄a mmọ ke ntak enyịn̄ esie,+Man anam ẹdiọn̄ọ odudu esie.+
9 Ntre enye aduat Ididuot Inyan̄, ndien enye asat;+Onyụn̄ anam mmọ ẹsan̄a ke udem ẹbe nte n̄kpọ eke ẹsan̄ade ke wilderness;+
10 Ntre ke enye anyan̄a mmọ osio ke ubọk andisua mmọ+Onyụn̄ afak mmọ osio asua ke ubọk.+
11 Ndien mmọn̄ ọtọ ofụk mme asua mmọ;+Baba owo mmọ kiet ibọhọke.+
12 Ndien mmọ ẹbuọt idem ke ikọ esie;+Mmọ ẹtọn̄ọ ndikwọ itoro esie.+
13 Mmọ ẹsọsọp ẹfre mme edinam esie;+Inyụn̄ ibetke item esie.+
14 Edi mmọ ẹwụt udọn̄ ibụk mmọ ke wilderness+Ẹnyụn̄ ẹdomo Abasi ke desat.+
15 Ndien enye ọnọ mmọ se mmọ ẹben̄ede+Onyụn̄ esịn mmọ ndiọkidem ke ukpọn̄.+
16 Ndien mmọ ẹtọn̄ọ ndisịn Moses enyịn ke itienna,+Idem ye Aaron edisana owo Jehovah.+
17 Ekem isọn̄ atat inua emen Dathan,+Onyụn̄ ofụk esop Abiram.+
18 Ndien ikan̄ asak ke ufọt esop mmọ;+Edemeikan̄ ata mme idiọkowo.+
19 N̄ko-n̄ko, mmọ ẹnam eyen enan̄ ke Horeb+Ẹnyụn̄ ẹnụhọ ẹnọ editara mbiet,+
20 Man ẹda ubọn̄ mi ẹkpụhọ+Ye mbiet ayara enan̄, emi atade mbiet.+
21 Mmọ ẹfre Abasi kpa Andinyan̄a mmọ,+Andinam ikpọ n̄kpọ ke Egypt,+
22 Emi anamde mme utịbe edinam ke isọn̄ Ham,+Ye mme enyene-ndịk n̄kpọ ke Ididuot Inyan̄.+
23 Ndien enye ama oyom ndidọhọ ẹsobo mmọ,+Ke mîkpedịghe Moses, owo emi enye ekemekde,Okodụk ada ke ufọt,+Man ọwọn̄ọde ifụtesịt esie efep okûnyụn̄ osobo mmọ.+
24 Ndien mmọ ẹse eti isọn̄ oro ke ndek;+Mmọ ikọbuọtke idem ke ikọ esie.+
25 Mmọ ẹnyụn̄ ẹkụni ke mme tent mmọ;+Mmọ ikokopke uyo Jehovah.+
26 Ntre enye emenede ubọk ọn̄wọn̄ọ aban̄a mmọ,+Ete ke imọ iyanam mmọ ẹduọn̄ọ ke wilderness,+
27 Ye nte ke iyanam nditọ mmọ ẹduọn̄ọ ke otu mme idụt,+Ke iyonyụn̄ isuan mmọ idọn̄ ke otu mme idụt.+
28 Ndien mmọ ẹtọn̄ọ ndidian idem ye Baal Peor+Ẹnyụn̄ ẹdia mme uwa oro ẹwade ẹnọ se mînyeneke uwem.+
29 Nte mmọ ẹsụk ẹyatde enye esịt ke mme edinam mmọ,+Udọn̄ọ obụmede ke otu mmọ.+
30 Ke Phinehas ama akadaha ada anam n̄kpọ,+Ufen oro etre.
31 Ndien ẹbat oro ẹnọ enye ke edinen idoKe ofụri emana ye ke nsinsi.+
32 N̄ko, mmọ ẹnam enye ayat esịt ke mmọn̄ Meribah,+Ntre ọdiọk ye Moses ke ntak mmọ.+
33 Koro mmọ ẹkeyatde enye esịtNdien enye ọtọn̄ọ ndida inua esie ntịn̄ ikọ ke ibụmede.+
34 Mmọ ikosoboke mme idụt oro ifep,+Nte Jehovah ọkọdọhọde mmọ.+
35 Edi mmọ ẹbuak idem ye mbon idụt oro+Ẹnyụn̄ ẹkpebe mme edinam mmọ.+
36 Ndien mmọ ẹnam n̄kpọ ẹnọ ndisọi mbiet mmọ,+Mmọ emi ẹnyụn̄ ẹkabade ẹdi afia ẹnọ mmọ.+
37 Mmọ ẹwa nditọiren mmọ+Ye nditọiban mmọ ẹnọ mme demon.+
38 Ntre mmọ ẹduọk iyịp eke mîduehe,+Kpa iyịp nditọiren mmọ ye nditọiban mmọ,Emi mmọ ẹwade ẹnọ ndisọi mbiet Canaan;+Ndien uduọkiyịp anam isọn̄ oro edehe.+
39 Mme edinam mmọ ẹnam mmọ ẹdehe+Mmọ ẹnyụn̄ ẹnyene oburobụt ebuana ke mme edinam mmọ.+
40 Ndien iyatesịt Jehovah obụbede asak ye ikọt esie,+Enye onyụn̄ asua udeme esie.+
41 Ndien enye ayak mmọ ediwak ini esịn ke ubọk mme idụt,+Man mmọ eke ẹsuade mmọ ẹkpekara mmọ,+
42 Mme asua mmọ ẹkpenyụn̄ ẹfịk mmọ,Mmọ ẹkpenyụn̄ ẹsụk idem ke idak ubọk mmọ.+
43 Enye anyan̄a mmọ ediwak ini,+Edi mmọ ẹsọn̄ ibuot ke edinam ntụtutọn̄ mmọ,+Ndien ẹsụhọde mmọ ẹnịm ke ntak ndudue mmọ.+
44 Ndien enye okụt nnanenyịn mmọ+Ke ini enye okopde eseme mmọ.+
45 Ndien enye eti ediomi emi enye akanamde ye mmọ,+Onyụn̄ okpụhọ ekikere* nte ekemde ye uwak ima-mfọnido esie.+
46 Ndien enye anam mbọm mmọ anamKpukpru mbon oro ẹkemụmde mmọ nte mbuotekọn̄.+
47 O Jehovah Abasi nnyịn, nyan̄a nnyịn,+Nyụn̄ tan̄ nnyịn ke otu mme idụt bon ọtọkiet+Man ikọm edisana enyịn̄ fo,+Inyụn̄ itan̄a itoro fo idara idara.+
48 Yak itoro enyene Jehovah Abasi Israel+Ke nsinsi nsinsi;Ndien yak kpukpru owo ẹbọrọ ẹte Amen.+Mbufo ẹtoro Jah!+
Mme Ikọ Idakisọn̄
^ At. Ed., “atua n̄kpọfiọk.”
