Psalm 107;1-43
(Psalm 107 - 150)
107 O mbufo ẹkọm Jehovah, koro enye ọfọnde;+Koro ima-mfọnido esie odude ke nsinsi.+
2 Yak mbon oro Jehovah afakde ẹdọhọ ntre,+Kpa mbon emi enye afakde osio ke ubọk asua,+
3 Mbon emi enye onyụn̄ atan̄de ke kpukpru mme idụt obon ọtọkiet,+Ke edem usiahautịn ye ke edem usoputịn,+Ke edem edere ye ke edem usụk.+
4 Mmọ ẹma ẹyo ke wilderness,+ ke desat;+Mmọ ikekwe usụn̄ ikesịm obio idụn̄.+
5 Mmọ ẹma ẹkop biọn̄, ẹkop nsatitọn̄ n̄ko;+Ukpọn̄ mmọ ọtọn̄ọ ndikpa mba.+
6 Ndien mmọ ẹseme ẹnọ Jehovah ke nnanenyịn mmọ;+Enye anyan̄a mmọ osio ke nnanenyịn mmọ,+
7 Onyụn̄ anam mmọ ẹsan̄a ke nnennen usụn̄,+Man ẹdisịm obio oro mmọ ẹdidụn̄de.+
8 Yak mme owo ẹkọm Jehovah ke ima-mfọnido esie+Ye ke mme utịbe edinam emi enye anamde ọnọ nditọ owo.+
9 Koro enye omoyụhọ ukpọn̄ emi itọn̄ asatde;+Onyụn̄ ada nti n̄kpọ oyụhọ ukpọn̄ emi biọn̄ ọdọn̄de.+
10 Enyene mmọ eke ẹdụn̄de ke ekịm ye ke ọkpọsọn̄ ekịm,+Mbon n̄kpọkọbi emi ẹdude ke ukụt ye ke ebuka.+
11 Koro mmọ ẹkesọn̄de ibuot+ ye ikọ Abasi;+Ẹnyụn̄ ẹsede item Ata Edikon̄ ke ndek.+
12 Ntre enye ada ukụt osụhọde esịt mmọ enịm;+Mmọ ẹtuak ukot ẹduọn̄ọ, inyụn̄ idụhe owo eke an̄wamde.+
13 Ndien mmọ ẹseme ẹkot Jehovah ẹyom un̄wam ke nnanenyịn mmọ;+Enye anyan̄a mmọ osio ke nnanenyịn nte esinyan̄ade.+
14 Enye osio mmọ ke ekịm ye ke ọkpọsọn̄ ekịm,+Onyụn̄ ekịbi n̄kpọkọbi mmọ.+
15 Yak mme owo ẹkọm Jehovah ke ima-mfọnido esie+Ye ke mme utịbe edinam emi enye anamde ọnọ nditọ owo.+
16 Koro enye omobụn̄ mme usụn̄ okpoho,+Onyụn̄ okpok mme ukwak usịnusụn̄ ọduọn̄ọ.+
17 Mbon oro ẹkedide ndisịme ẹkụt ukụt+Ke ntak ibet emi mmọ ẹbiatde ye ke ntak ndudue mmọ.+
18 Ukpọn̄ mmọ asua kpukpru orụk udia,+Mmọ ẹnyụn̄ ẹsịm inuaotop n̄kpa.+
19 Ndien mmọ ẹseme ẹkot Jehovah ẹyom un̄wam ke nnanenyịn mmọ;+Enye anyan̄a mmọ osio ke nnanenyịn nte esinyan̄ade.+
20 Enye ọdọn̄ ikọ esie ndien enye ọkọk mmọ udọn̄ọ+Onyụn̄ anyan̄a mmọ osio ke obube mmọ.+
21 Yak mme owo ẹkọm Jehovah ke ima-mfọnido esie+Ye ke mme utịbe edinam emi enye anamde ọnọ nditọ owo.+
22 Ndien yak mmọ ẹwa uwa ekọm+Ẹnyụn̄ ẹtan̄a mme edinam esie ye n̄kpo idara.+
23 Mmọ eke ẹsan̄ade ke nsụn̄ikan̄ ẹsụhọde ke inyan̄,+Emi ẹnamde mbubehe ke akwa mmọn̄,+
24 Mmọ ẹdi mbon oro ẹkụtde mme utom Jehovah+Ye mme utịbe utom esie ke udem;+
25 Nte enye etịn̄de ikọ ndien oyobio ọwọrọ,+Tutu emenede mbufụt inyan̄.+
26 Mmọ ẹdọk ke mme heaven,Mmọ ẹsụhọde ke udem.Ukpọn̄ mmọ eyemede+ ke ntak afanikọn̄.
27 Mmọ ẹten̄ ẹnyụn̄ ẹfụm nte akpammịn,+Ofụri ọniọn̄ mmọ onyụn̄ etịmede.+
28 Ndien mmọ ẹseme ẹnọ Jehovah ke nnanenyịn mmọ,+Enye onyụn̄ osio mmọ ke nnanenyịn mmọ.+
29 Enye anam oyobio odobo,+Man mbufụt inyan̄ odobo ana.+
30 Ndien mmọ ẹdat esịt koro mmọ emi ẹdobode,Enye onyụn̄ ada mmọ usụn̄ aka itie idatesịt mmọ.+
31 Yak mme owo ẹkọm Jehovah ke ima-mfọnido esie+Ye ke mme utịbe edinam emi enye anamde ọnọ nditọ owo.+
32 Yak mmọ ẹtoro enye ke otu mbio obio;+Ẹnyụn̄ ẹtoro enye ke otu mbiowo.+
33 Enye anam mme akpa ẹkabade ẹdi wilderness,+Onyụn̄ anam idịm mmọn̄ akabade edisat isọn̄,+
34 Anam eti isọn̄ akabade edi isọn̄ inụn̄,+Ke ntak idiọkn̄kpọ mbon oro ẹdụn̄de ke esịt.
35 Enye anam wilderness akabade n̄kpọdiọhọ mmọn̄,+Onyụn̄ anam edisat ebiet akabade idịm mmọn̄.+
36 Ndien enye anam mbon ọbiọn̄ ẹdụn̄ do,+Man mmọ ẹsiak obio idụn̄ do.+
37 Ndien mmọ ẹsuan n̄kpasịp ke in̄wan̄ ẹnyụn̄ ẹtọ in̄wan̄ vine,+Man mmọ ẹn̄wụm nti mbun̄wụm.+
38 Ndien enye ọdiọn̄ mmọ tutu mmọ ẹwak etieti;+Enye inyụn̄ iyakke ibat enan̄ mmọ osụhọde.+
39 Ndien mmọ ẹtọn̄ọ ntak ẹsụhọde ke ibat ẹnyụn̄ ẹnụhọ+Ke ntak ufịk ye nnanenyịn ye mfụhọ.+
40 Enye an̄wan̄a bụt ofụk mbọn̄,+Tutu enye anam mmọ ẹyo ke ukpọk ebiet, emi usụn̄ ndomokiet mîdụhe.+
41 Edi enye ekpeme ubuene osio ke ukụt+Onyụn̄ anam enye akabade edi mme ubon nte otu ufene.+
42 Ndinen owo ẹkụt ẹnyụn̄ ẹdat esịt;+Edi amaedi kpukpru mme anam ukwan̄ido, mmọ ẹyekịbi inua.+
43 Anie enyene ọniọn̄? Enye eyetịn̄ enyịn ke mme n̄kpọ emi+Onyụn̄ ekere mme edinam ima-mfọnido Jehovah.+
