Psalm 136;1-26
136 O mbufo ẹkọm Jehovah, koro enye ọfọnde:+Koro ima-mfọnido esie odude ke nsinsi;+
2 Ẹkọm Abasi mme abasi:+Koro ima-mfọnido esie odude ke nsinsi;+
3 Ẹkọm Ọbọn̄ mme mbọn̄:+Koro ima-mfọnido esie odude ke nsinsi;+
4 Ẹkọm Andinam mme utịben̄kpọ ye ikpọ n̄kpọ ke idemesie:+Koro ima-mfọnido esie odude ke nsinsi;+
5 Enye emi adade ifiọk anam mme heaven:+Koro ima-mfọnido esie odude ke nsinsi;+
6 Enye emi ebride isọn̄ ke enyọn̄ mmọn̄:+Koro ima-mfọnido esie odude ke nsinsi;+
7 Enye emi anamde ikpọ un̄wana:+Koro ima-mfọnido esie odude ke nsinsi;+
8 Anam utịn man akara uwemeyo:+Koro ima-mfọnido esie odude ke nsinsi;+
9 Anam ọfiọn̄ ye mme ntantaọfiọn̄ man ẹdiana kiet ẹkara okoneyo:+Koro ima-mfọnido esie odude ke nsinsi;+
10 Enye emi akan̄wanade ye Egypt ke ndiwot akpa nditọ mmọ:+Koro ima-mfọnido esie odude ke nsinsi;+
11 Enye emi akadade Israel ke ufọt mmọ ọwọrọ:+Koro ima-mfọnido esie odude ke nsinsi;+
12 Ke ọkpọsọn̄ ubọk ye ke edinyanade ubọk:+Koro ima-mfọnido esie odude ke nsinsi;
13 Enye emi akabaharede Ididuot Inyan̄:+Koro ima-mfọnido esie odude ke nsinsi;+
14 Okonyụn̄ anamde Israel ẹsan̄a ke ufọt esie ẹbe:+Koro ima-mfọnido esie odude ke nsinsi;+
15 Onyụn̄ otopde Pharaoh ye udịmekọn̄ esie ọdọn̄ ke Ididuot Inyan̄:+Koro ima-mfọnido esie odude ke nsinsi;+
16 Enye emi akanamde ikọt esie ẹsan̄a ke wilderness ẹbe:+Koro ima-mfọnido esie odude ke nsinsi;+
17 Enye emi akakande ikpọ ndidem:+Koro ima-mfọnido esie odude ke nsinsi;+
18 Okonyụn̄ owotde n̄kpọsọn̄ ndidem:+Koro ima-mfọnido esie odude ke nsinsi;+
19 Owot Sihon edidem mme Amorite:+Koro ima-mfọnido esie odude ke nsinsi;+
20 Ye Og edidem Bashan:+Koro ima-mfọnido esie odude ke nsinsi;+
21 Onyụn̄ adade isọn̄ mmọ ọnọ ke udeme:+Koro ima-mfọnido esie odude ke nsinsi;+
22 Udeme Israel kpa asan̄autom esie:+Koro ima-mfọnido esie odude ke nsinsi;+
23 Emi eketide nnyịn ke idiọk idaha nnyịn:+Koro ima-mfọnido esie odude ke nsinsi;+
24 Okonyụn̄ awamarede nnyịn osio ediwak ini ke ubọk mme asua nnyịn:+Koro ima-mfọnido esie odude ke nsinsi;+
25 Enye emi ọnọde kpukpru obụkidem udia:+Koro ima-mfọnido esie odude ke nsinsi;+
26 Ẹkọm Abasi emi odude ke mme heaven:+Koro ima-mfọnido esie odude ke nsinsi.+
