Psalm 149;1-9
149 Mbufo ẹtoro Jah!+Ẹkwọ obufa ikwọ ẹnọ Jehovah,+Ẹkwọ itoro esie ke esop mbon oro ẹsọn̄ọde ẹda ye enye.+
2 Yak Israel adat esịt ke Akwa Andinam enye,+Nditọ Zion—yak mmọ ẹdara ke Edidem mmọ.+
3 Yak mmọ ẹtoro enyịn̄ esie ke unek.+Yak mmọ ẹkwọ edinem ikwọ ẹnọ enye ke ekọmọ ye ke harp.+
4 Koro Jehovah enemde esịt aban̄a ikọt esie.+Enye ada edinyan̄a abana mbon nsụkidem.+
5 Yak mbon oro ẹsọn̄ọde ẹda ye enye ẹdara ke ubọn̄;Yak mmọ ẹna ke bed mmọ ẹsio n̄kpo idara.+
6 Yak ikwọ emi otorode Abasi odu mmọ ke n̄kpọkinua,+Akan̄kan̄ iso iba onyụn̄ odu mmọ ke ubọk,+
7 Man ẹsio mme idụt usiene,+Ẹsua ẹnọ mme obio,+
8 Man ẹda n̄kpọkọbi ẹkọbi ndidem mmọ+Ẹnyụn̄ ẹsịn mbọn̄ mmọ ke ebuka ukwak,
9 Man ẹbiere ikpe mmọ nte ẹkewetde.+Utọ ubọn̄ emi enyene kpukpru mbon oro ẹsọn̄ọde ẹda ye enye.+Mbufo ẹtoro Jah!+
