Psalm 26;1-12
Eke David.
26 Kpe ikpe mi,+ O Jehovah, koro nsan̄ade ke nsọn̄ọnda mi,+Ndien mmọbuọt idem ke Jehovah, mbak ndifebede.+
2 Dụn̄ọde mi, O Jehovah, nyụn̄ domo mi se;+Nam mme ekpụt mi ye esịt mi ẹsana.+
3 Koro ima-mfọnido fo odude mi ke iso,Ndien mmasan̄a ke akpanikọ fo.+
4 Ami ntiehe ye mbon abian̄a;+Nnyụn̄ nsan̄ake ye mmọ eke ẹdịpde se mmọ ẹdide.+
5 Nsasua esop mme anamidiọk,+Nnyụn̄ ntiehe ye mme idiọkowo.+
6 Ami nyeyet ubọk mi ndiwụt ke nduehe,+Nyonyụn̄ nsan̄a n̄kanade itieuwa fo, O Jehovah,+
7 Man nnam ẹkop uyo ekọm,+Nnyụn̄ ntan̄a kpukpru mme utịbe utom fo.+
8 Jehovah, ami mmama ufọk emi edide ebietidụn̄ fo+Ye ebiet emi ubọn̄ fo odụn̄de.+
9 Kûmen ukpọn̄ mi ufep ukọrọ ye eke mme anamidiọk,+Kûnyụn̄ umen uwem mi ufep ukọrọ ye eke mbon oro ẹnyenede ubiomikpe iyịp,+
10 Emi obukpo ido odude mmọ ke ubọk,+Ubọk nnasia mmọ onyụn̄ ọyọhọde ye ubọkedem.+
11 Amaedi ami, nyasan̄a ke nsọn̄ọnda mi.+Mbọk fak mi+ nyụn̄ tua mi mbọm.+
12 Ukot mi ayada ke unaisọn̄;+Ami nyotoro Jehovah ke otu mbon esop.+
