Psalm 3;1-8
Ikwọ David ke ini emi enye ekefehede ke ntak Absalom eyen esie.+
3 O Jehovah, ntak emi mme asua mi ẹwakde?+Ntak emi ediwak owo ẹdahade ẹda ẹn̄wana ye ami?+
2 Ediwak owo ke ẹdọhọ ẹban̄a ukpọn̄ mi ẹte:“Abasi inyan̄ake enye.”+ Selah.
3 Ndien afo, O Jehovah, edi otuekọn̄ mi,+Ubọn̄ mi+ ye Enye emi emenerede ibuot mi ke enyọn̄.+
4 Ami nyada uyo mi n̄kot Jehovah,Ndien enye eyetie ke edisana obot esie eyere mi.+ Selah.
5 Ami nyosụhọde nna man nde idap;Ndien nyedemede, koro Jehovah an̄wamde mi.+
6 Ami ndifeheke mme tọsịn owo duopEmi ẹtịmde idem ẹkan mi ẹkụk ndin̄wana ye ami.+
7 Daha ke enyọn̄,+ O Jehovah! Nyan̄a mi,+ O Abasi mi!+Koro afo eyeyịbi kpukpru mme asua mi mban̄.+Afo oyosion̄o mme idiọkowo edet.+
8 Edinyan̄a enyene Jehovah.+Edidiọn̄ fo omodoro ikọt fo ke idem.+ Selah.
