Psalm 31;1-24
Ẹnọ adausụn̄. Ikwọ David.
31 Ami nda fi ke ebiet ubọhọ mi, O Jehovah.+O kûyak bụt anam mi.+Nyan̄a mi ke edinen ido fo.+
2 Kpan̄ utọn̄ nọ mi.+Wara nyan̄a mi.+Di ọkpọsọn̄ itiat nọ mi,+Ye ọkpọsọn̄ ufọk man anyan̄a mi.+
3 Koro afo edide akwa itiat mi ye ọkpọsọn̄ ebiet mi;+Afo oyonyụn̄ ada mi usụn̄+ ke ntak enyịn̄ fo.+
4 Afo oyosio mi ke iyịre emi mmọ ẹdịpde ẹnọ mi,+Koro afo edide ebiet ubọhọ mi.+
5 Mmayak spirit mi nsịn fi ke ubọk.+Afo amafak mi,+ O Jehovah Abasi akpanikọ.+
6 Ami nsasua mmọ eke ẹkponode ikpîkpu mbiet;+Amaedi ami, mmọbuọt idem ye Jehovah.+
7 Ami nyadara nnyụn̄ ndat esịt ke ima-mfọnido fo,+Koro afo omokụt ukụt mi;+Afo ọmọfiọk nnanenyịn ukpọn̄ mi,+
8 Afo unyụn̄ uyakke mi usịn asua ke ubọk.+Amanam ukot mi ada ke ebiet emi atarade.+
9 Tua mi mbọm, O Jehovah, koro ami ndude ke nnanenyịn.+Mfụhọ esịn enyịn ebre mi,+ anam ukpọn̄ ye idịbi mi emem.+
10 Koro mfụhọ amanam uwem mi esịm utịt,+Isua mi onyụn̄ esịm utịt ke nsiama.+Koro ndudue mi anamde odudu mi osụhọde,+Mme ọkpọ mi ẹnyụn̄ ẹmem.+
11 Mmakabade ndi n̄kpọ esuene+ ke enyịn mmọ eke ẹsuade mi,+Akpan akpan mme mbọhọidụn̄ mi,+Nnyụn̄ ndi n̄kpọndịk nnọ mme ọdiọn̄ọ mi.+Ke ini mmọ ẹkụtde mi ke an̄wa, mmọ ẹfen̄e ẹkpọn̄ mi.+
12 Ẹmefre mi nte ẹfrede akpan̄kpa eke mîdụhe owo ke esịt;+Mmakabade ntie nte mbomo usan;+
13 Koro mmokop idiọk etop nto ediwak owo,+Ndịk odu ke kpukpru edem.+Ke ini mmọ ẹsopde idem ọtọkiet nte owo kiet ẹban̄a mi,+Mmọ ẹdiomi ndimen ukpọn̄ mi mfep.+
14 Edi ami—mmọbuọt idem ye afo, O Jehovah.+Mmọdọhọ nte: “Afo edi Abasi mi.”+
15 Ini mi odu fi ke ubọk.+Nyan̄a mi sio ke ubọk mme asua mi ye ke ubọk mbon oro ẹbịnede mi.+
16 Nam iso fo ayama ọnọ asan̄autom fo.+Nyan̄a mi ke ima-mfọnido fo.+
17 O Jehovah, kûyak bụt anam mi, koro nsemede n̄kot fi.+Bụt akpakam anam mme idiọkowo;+Mmọ ẹkpekam ẹdobo ke Udi.*+
18 N̄kpọkinua abian̄a ẹkpekam ẹtre ndisioro uyo,+Emi mîfarake ke nditịn̄ ikọ iseri iseri ye esuene esuene ndian edinen owo.+
19 Mfọnido emi afo enịmde ọnọ mbon oro ẹbakde fi, okpon didie ntem!+Emi afo ọfọnde ye mbon oro ẹnyenede fi ke ebiet ubọhọ,Ke iso nditọ owo.+
20 Afo eyedịp mmọ ke ndedịbe ebiet ke iso fo+Man ẹbọhọ odu mme owo.+Afo eyedịp mmọ ke ataya fo man mmọ ẹbọhọ mme edeme utọk.+
21 Itoro enyene Jehovah,+Koro enye owụtde mi utịbe ima-mfọnido+ ke obio emi odude ke afanikọn̄.+
22 Amaedi ami, n̄kọdọhọ ke nnyekidem nte:+“Ẹyesobo mi ẹfep ke iso fo.”+Ke akpanikọ afo ama okop uyo eseme mi ke ini n̄kesemede nnọ fi nyom un̄wam.+
23 O ẹma Jehovah, kpukpru mbufo emi ẹsọn̄ọde ẹda ye enye.+Jehovah ekpeme mme anam-akpanikọ,+Edi enye ọnọ mbon iseri utịp ke akwa udomo.+
24 Ẹnyene uko, ẹnyụn̄ ẹsọn̄ esịt,+Kpukpru mbufo emi ẹbetde Jehovah.+
Mme Ikọ Idakisọn̄
^ Heb., “Sheol.”
