Psalm 47;1-9
Ẹnọ adausụn̄. Eke nditọ Korah. Ikwọ.
47 Kpukpru mbufo ẹkwak ubọk.+Ẹda uyo idara ẹsio n̄kpo edikan ẹnọ Abasi.+
2 Koro Jehovah, Ata Edikon̄, enyenede uten̄e,+Edi akwa Edidem ke ofụri isọn̄.+
3 Enye oyosụhọde mme owo esịn ke idak nnyịn+Ye mme idụt ke idak ikpat nnyịn.+
4 Enye eyemek udeme nnyịn ọnọ nnyịn,+Kpa idatesịt Jacob, emi enye amade.+ Selah.
5 Abasi ọmọdọk ke n̄kpo idara,+Jehovah ọmọdọk ke uyom nnụk.+
6 Ẹkwọ edinem ikwọ ẹnọ Abasi, ẹkwọ edinem ikwọ.+Ẹkwọ edinem ikwọ ẹnọ Edidem nnyịn, ẹkwọ edinem ikwọ.
7 Koro Abasi edide Edidem ofụri isọn̄;+Ẹkwọ edinem ikwọ ẹnyụn̄ ẹda mbufiọk ẹnam n̄kpọ.+
8 Abasi amakabade edi edidem mme idụt.+Abasi omosụhọde etie ke edisana ebekpo esie.+
9 Mbọn̄ mme owo ẹmesop idem ọtọkiet,+Ye ikọt Abasi Abraham.+Koro mme otuekọn̄ ke isọn̄ ẹnyene Abasi.+Enye emenen̄ede okon̄ ke edikon̄ ebiet esie.+
