Psalm 77;1-20
Ẹnọ adausụn̄ ke Jeduthun. Eke Asaph.+ Ikwọ.
77 Ami nyemenede uyo mi nseme nnọ Abasi,+Nyemenede uyo mi nseme nnọ Abasi, ndien enye ayakpan̄ utọn̄ ọnọ mi.+
2 Mmoyom Jehovah ke usen nnanenyịn mi.+Mmanyanade ubọk mi ke okoneyo ndien ibikpai idoroke;Ukpọn̄ mi inyịmeke ndikop ndọn̄esịt.+
3 Ami nyeti Abasi, esịt oyonyụn̄ etịmede mi;+Nyetie n̄kere, tutu spirit mi akpa mba.+ Selah.
4 Afo omomụm mi ikpọkenyịn;+Esịt etịmede mi, nnyụn̄ n̄kemeke nditịn̄ ikọ.+
5 Ami mmekere mban̄a mme usen eyo oko,+Ke mme isua ata eset.
6 Ami nyeti ikwọ ndido urụk mi ke okoneyo;+Nyetie n̄kere ke esịt mi,+Ndien spirit mi eyetịm odụn̄ọde.
7 Nte Jehovah editop nnyịn ọduọk ke nsinsi,+Nte esịt idinyụn̄ inemke enye aba?+
8 Nte ima-mfọnido esie etre ke nsinsi?+Nte ikọ esie akabade edi ikpîkpu+ ke ofụri emana?
9 Nte Abasi efre ndifọn mfọn,+Mîdịghe nte enye eberi usụn̄ mbọm esie ke iyatesịt?+ Selah.
10 Ndien nte ami nyọdọhọ: “Se ibiakde mi edi emi,+Ata Edikon̄ nditre ndin̄wam nnyịn”?+
11 Ami nyeti mme edinam Jah;+Koro nyeti mme utịbe edinam fo eke eset.+
12 Ndien nyetie n̄kere kpukpru utom fo,+Nnyụn̄ n̄kere mban̄a mme edinam fo.+
13 O Abasi, usụn̄ fo odu ke edisana ebiet.+Ewe Abasi okpon nte afo, O Abasi?+
14 Afo edi ata Abasi emi anamde mme utịben̄kpọ.+Afo amanam ẹdiọn̄ọ odudu fo ke otu mme idụt.+
15 Afo amada ubọk fo anyan̄a ikọt fo,+Nditọ Jacob ye nditọ Joseph. Selah.
16 Mmọn̄ omokụt fi, O Abasi,Mmọn̄ omokụt fi; enye ọtọn̄ọ ndikop ọkpọsọn̄ ubiak.+N̄ko, mme udem ẹtọn̄ọ nditịmede.+
17 Obubịt enyọn̄ asiak obuma an̄wan̄a mmọn̄;+Idiọkenyọn̄ oyomo uyom.N̄ko, mme idan̄ fo ẹka mi ye ko.+
18 Uyom obuma fo ekebiet uyom wheel chariot;+Mme emịnen̄mịnen̄ ẹmenam isọn̄ ayama;+Isọn̄ etịmede onyụn̄ ọtọn̄ọ ndinyek.+
19 Usụn̄ fo okodu ke inyan̄,+Afan̄ fo okonyụn̄ odu ke ediwak mmọn̄;Ndien owo ifiọkke nde ikpat fo.
20 Afo amada ikọt fo usụn̄ nte otu ufene,+Ebe ke ubọk Moses ye Aaron.+
