Numbers 21;1-35
21 Ndien edidem Arad,+ owo Canaan, emi odụn̄de ke Negeb,+ okop ete Israel ẹma ẹsan̄a usụn̄ Atharim ẹdi, ndien enye ọtọn̄ọ en̄wan ye Israel onyụn̄ ada ndusụk mmọ adaha nte mbuotekọn̄.
2 Ntem Israel ẹkan̄a akan̄a ẹnọ Jehovah,+ ẹte: “Edieke afo mûdutreke ndida mbio emi nsịn nnyịn ke ubọk, ami nyosobo mme obio mmọ n̄ko.”+
3 Ntre Jehovah okop uyo Israel onyụn̄ ayak mbon Canaan esịn mmọ ke ubọk; ndien mmọ ẹsobo mmọ ye mme obio mmọ. Ntem mmọ ẹsio ebiet oro enyịn̄ Hormah.*+
4 Ke adan̄aemi mmọ ẹtode Obot Hor+ ẹsan̄a usụn̄ Ididuot Inyan̄ man ẹwọn̄ọde ẹkesan̄a edem idụt Edom ẹbe,+ mmọ ẹtọn̄ọ ndikpa mba ke ntak usụn̄ isan̄.
5 Ndien mmọ ẹnam ikọ ye Abasi+ ye Moses ẹte:+ “Ntak emi mbufo ẹkedade nnyịn ẹwọn̄ọ ke Egypt ẹte idikpan̄a ke wilderness?+ Koro uyo idụhe, mmọn̄ inyụn̄ idụhe,+ ndien ukpọn̄ nnyịn amasua obukpo uyo emi.”+
6 Ntre Jehovah ọdọn̄ ndiọi urụkikọt+ utom ke ọtọ mmọ, ndien mmọ ẹdom mmọ, tutu ediwak nditọ Israel ẹkpan̄a.+
7 Ekem mmọ ẹdi ke ọtọ Moses ẹdidọhọ ẹte: “Nnyịn imanam idiọkn̄kpọ,+ koro nnyịn ikanamde ikọ ye Jehovah ye afo nde. Kpe Jehovah ubọk ete enye emen mme urụkikọt emi efep ke ọtọ nnyịn.”+ Ndien Moses anam n̄kpeubọk aban̄a mmọ.+
8 Ekem Jehovah ọdọhọ Moses ete: “Nam idiọk urụkikọt* kiet kọn̄ ke anyan eto. Ndien ama ekem ke ini urụkikọt odomde owo, enye ndien enyene ndimenede enyịn nse urụkikọt emi nnyụn̄ ndu uwem.”+
9 Kpa idaha oro, Moses anam urụkikọt okpoho+ ọkọn̄ ke anyan eto;+ ndien ekem ke ini urụkikọt odomde owo, enye onyụn̄ emenerede enyịn ese+ urụkikọt okpoho oro, enye odu uwem.+
10 Ekem nditọ Israel ẹdaha ẹkenam nna ke Oboth.+
11 Ndien mmọ ẹdaha ke Oboth ẹkenam nna ke Iye-abarim,+ ke wilderness emi asakde iso ese Moab, ke n̄kan̄ edem usiahautịn.
12 Mmọ ẹnyụn̄ ẹdaha do ẹkenam nna ke mben itịghede mmọn̄ Zered.+
13 Ndien mmọ ẹdaha do ẹkenam nna ke ikpehe Arnon, emi odude ke wilderness emi ọtọn̄ọde ke adan̄a mme Amorite; koro Arnon+ edide adan̄a Moab, ke ufọt Moab ye mme Amorite.
14 Ntak edi oro ẹdọhọde ke n̄wed Mme Ekọn̄ Jehovah ẹte:
“Vaheb ke Suphah ye mme itịghede mmọn̄ Arnon,
15 ye mben itịghede mmọn̄, emi ọwọn̄ọrede aka n̄kan̄ Ar+ onyụn̄ anade ke adan̄a Moab.”
16 Ekem mmọ ẹkpọn̄ do ẹka Beer.*+ Emi edi obube mmọn̄ emi Jehovah ọkọdọhọde Moses ete: “Bon mme owo ọtọkiet, ndien nyọnọ mmọ mmọn̄ ẹn̄wọn̄.”+
17 Ke ini oro, Israel ẹkwọ ikwọ emi ẹte:+“O Obube mmọn̄, wọrọ mmọn̄! Mbufo ẹbọ ikwọ!
18 Obube mmọn̄, mbọn̄ ẹketịbi. Ikpọ owo ẹketịbi,Ẹkeda esan̄ andikara,+ ye esan̄ mmọ ẹtịbi.”
Ekem mmọ ẹdaha ke wilderness ẹka Mattanah.
19 Ndien mmọ ẹto Mattanah ẹka Nahaliel, ẹnyụn̄ ẹto Nahaliel ẹka Bamoth.+
20 Ndien ẹto Bamoth ẹkesịm itịghede emi odude ke obio Moab,+ ke enyọn̄ enyọn̄ Pisgah,+ emi ọwọrọde ada asak iso ese Jeshimon.+
21 Ndien Israel ẹsio mme isụn̄utom ẹdọn̄ ẹka ke ọtọ Sihon,+ edidem mme Amorite, ẹkedọhọ ẹte:
22 “Yak isan̄a ke isọn̄ fo ibe. Nnyịn idiwahake idụk ikọt m̀mê in̄wan̄ vine fo. Nnyịn idinyụn̄ in̄wọn̄ke mmọn̄ ke obube mmọn̄ fo. Nnyịn idisan̄a ke usụn̄ edidem tutu nnyịn ibe obio fo.”+
23 Ndien Sihon inyịmeke Israel ẹsan̄a ke obio esie ẹbe,+ edi Sihon osop ofụri mbio obio esie ada aka ndibiọn̄ọ Israel ke wilderness, ndien edisịm Jahaz+ onyụn̄ ọtọn̄ọ en̄wan ye Israel.
24 Ntre Israel ẹwot enye ke iso akan̄kan̄+ ẹnyụn̄ ẹda isọn̄ esie ẹnyene+ ọtọn̄ọde ke Arnon+ tutu esịm Jabbok,+ emi ekperede nditọ Ammon; koro Jazer+ edide adan̄a nditọ Ammon.+
25 Ntem Israel ẹda kpukpru obio oro ẹnyene, Israel ẹnyụn̄ ẹtọn̄ọ ndidụn̄ ke kpukpru obio mme Amorite,+ ke Heshbon+ ye kpukpru n̄kpri obio esie.
26 Koro Heshbon ekedide obio Sihon.+ Enye ekedi edidem mme Amorite,+ enye ama ebebem iso an̄wana ye edidem Moab onyụn̄ ọbọ enye kpukpru isọn̄ esie tutu esịm Arnon.+
27 Ntak edi oro mme etịn̄-uto nsahi ẹdọhọde ẹte:“Ẹdi ke Heshbon.Yak ẹbọp obio Sihon ẹnyụn̄ ẹsọn̄ọ ẹwụk enye.
28 Koro ikan̄ omobụbede asak ke Heshbon,+ edemeikan̄ omonyụn̄ ọwọrọ ke obio Sihon.Ikan̄ emi amata Ar+ eke Moab, kpa mme andinyene edikon̄ ebiet Arnon.
29 Mbọm fo, Moab! O mbio Chemosh,+ mbufo ẹyetak!Enye ayanam nditọiren esie ẹfehe ẹyom ubọhọ onyụn̄ ada nditọiban esie ọnọ Sihon, edidem mme Amorite, nte mbuotekọn̄.
30 Ntre ẹyak nnyịn itop mmọ.Ẹyesobo Heshbon tutu esịm Dibon,+Ẹyenyụn̄ ẹsobo iban tutu esịm Nophah, ẹnyụn̄ ẹsobo irenowo tutu esịm Medeba.”+
31 Ndien Israel ẹtọn̄ọ ndidụn̄ ke isọn̄ mme Amorite.+
32 Ekem Moses osio ndusụk owo ọdọn̄ ẹkeyep Jazer.+ Ntre mmọ ẹda n̄kpri obio esie ẹnyene ẹnyụn̄ ẹbịn mme Amorite emi ẹkedụn̄de do ẹfep.+
33 Ke oro ebede, mmọ ẹwọn̄ọde ẹkesan̄a usụn̄ Bashan ẹdọk.+ Ntre Og+ edidem Bashan ọwọrọ edisobo ye mmọ, enye ye ofụri ikọt esie, ndin̄wana ekọn̄ ke Edrei.+
34 Ndien Jehovah ọdọhọ Moses ete: “Kûfehe enye,+ koro nyada enye ye kpukpru ikọt esie ye obio esie nsịn fi ke ubọk;+ ndien afo ayanam enye kpa nte akanamde Sihon, edidem mme Amorite, emi okodụn̄de ke Heshbon.”+
35 Ntre mmọ ẹwot enye ye nditọiren esie ye kpukpru ikọt esie, tutu owo baba kiet isụhọke inọ enye;+ ndien mmọ ẹda obio esie ẹnyene.+
Mme Ikọ Idakisọn̄
^ Ọwọrọ “Nsobo.”
^ At. Ed., “Ikan̄-ikan̄ urụkikọt.”
^ Ọwọrọ “Obube Mmọn̄; Obube.”
