Utom 1;1-26
1 Akpa mbụk emi n̄kewetde, O Theophilus,+ mban̄a kpukpru n̄kpọ emi Jesus ọkọtọn̄ọde ndinam nnyụn̄ n̄kpep,+
2 tutu esịm usen emi ẹkemende enye ẹdọk ke enyọn̄,+ ke enye ama ọkọnọ mme apostle emi enye ekemekde+ ewụhọ oto ke edisana spirit.
3 Enye ama ada ediwak in̄wan̄-in̄wan̄ uyarade owụt mmọ emi n̄ko idem ete ke imodu uwem ke enye ama okokụt ndutụhọ,+ mmọ ẹma ẹnyụn̄ ẹkụt enye ke ofụri usen aba, enye onyụn̄ etịn̄ mme n̄kpọ aban̄a obio ubọn̄ Abasi.+
4 Ndien ke adan̄aemi enye osobode ye mmọ, enye ọnọ mmọ uyo ete: “Ẹkûkpọn̄ Jerusalem,+ edi ẹka iso ẹtie ẹbet se Ete ọkọn̄wọn̄ọde,+ emi mbufo ẹkekopde ẹto mi;
5 koro John ekenịm owo baptism ke mmọn̄, edi ẹdinịm mbufo baptism ke edisana spirit+ ke usen ifan̄ ẹbede.”
6 Mmọdo, ke ini mmọ ẹsopde idem, mmọ ẹbụp enye ẹte: “Ọbọn̄, nte afo ọmọn̄ ọtọn̄ọ ntak ayak obio ubọn̄+ ọnọ Israel ke emi?”
7 Enye ọdọhọ mmọ ete: “Inaha inọ mbufo ndifiọk mme ini m̀mê mme eyo+ emi Ete enịmde ke idak odudu esiemmọ;+
8 edi mbufo ẹyebọ odudu+ ke ini edisana spirit edide edidoro mbufo ke idem, ndien mbufo ẹyetie ntiense+ ẹban̄a mi ke Jerusalem+ ye ke ofụri Judea ye Samaria+ tutu esịm ata utịt ikpehe isọn̄.”+
9 Ndien ke enye ama eketịn̄ mme n̄kpọ emi ama, ke adan̄aemi mmọ ẹsụk ẹsede, ẹmen enye ẹdọk enyọn̄+ ndien obubịt enyọn̄ ofụk enye anam mmọ ikwe enye aba.+
10 Ndien nte mmọ ẹwụkde enyịn ẹse ikpaenyọn̄ ke adan̄aemi enye ọdọkde aka,+ sese! owo iba emi ẹsịnede mfia+ ọfọn̄ ẹda ẹkpere mmọ,
11 ndien mmọ ẹdọhọ ẹte: “Mbon Galilee, ntak emi mbufo ẹdade ẹse ikpaenyọn̄? Jesus emi ẹkemende ẹkpọn̄ mbufo ẹdụk ikpaenyọn̄ eyedi kpa ke ukem usụn̄+ emi mbufo ẹkụtde nte enye odụkde ikpaenyọn̄.”
12 Ekem mmọ ẹto Obot Olive, emi ekperede Jerusalem, onyụn̄ edide isan̄ usen sabbath,+ ẹfiak+ ẹdi Jerusalem.
13 Ntre, ke ini mmọ ẹsịmde, mmọ ẹdọk ẹka ubet enyọn̄+ emi mmọ ẹkedude, Peter ọkọrọ ye John ye James ye Andrew, Philip ye Thomas, Bartholomew ye Matthew, James eyen Alphaeus ye Simon enyene-ifịk, ye Judas eyen James.+
14 Kpukpru mmọ emi ẹkọbọ ke akam+ ye esịt kiet, ọkọrọ ye ndusụk iban+ ye Mary eka Jesus ye nditọeka esie iren.+
15 Ekem ke mme usen oro Peter adaha ke enyọn̄ ke otu nditọete (ofụri otuowo ẹkedi n̄kpọ nte owo ikie ye edịp) onyụn̄ ọdọhọ ete:
16 “Nditọete, akana ikọ N̄wed Abasi osu,+ emi edisana spirit+ ekebemde iso etịn̄ ke inua David aban̄a Judas,+ emi akakabarede edi andida mbon oro ẹkemụmde Jesus usụn̄,+
17 koro ẹma ẹbat enye ẹsịn ke otu nnyịn,+ enye ama onyụn̄ enyene udeme ke utom emi.+
18 (Ke ntre, owo emi ama ada okụkutom ukwan̄ido+ edep+ in̄wan̄, onyụn̄ oto itọn̄ itọn̄+ ọduọ, idịbi onyụn̄ asiaha enye ndien ofụri nsia esie ẹwọn̄ọ.
19 Kpukpru mme andidụn̄ Jerusalem ẹma ẹnyụn̄ ẹfiọk ẹban̄a emi, oro esịn ẹkotde in̄wan̄ oro ke usem mmọ Akeldama, oro edi, In̄wan̄ Iyịp.)
20 Koro ẹwet ke n̄wed Psalm ẹte, ‘Yak ebietidụn̄ esie ana ndon, ndien yak owo ndomokiet okûdụn̄ ke esịt,’+ n̄ko, ‘Yak owo efen ada itieutom esie nte esenyịn.’+
21 Mmọdo ke otu mbon oro ẹkesitienede nnyịn ẹsop idem ke ofụri ini emi ekedide Ọbọn̄ Jesus ododụk ọwọwọrọ ke otu nnyịn,+
22 ọtọn̄ọde ke ini emi John ekenịmde enye baptism+ tutu esịm usen emi ẹkemende enye ẹdọk ẹkpọn̄ nnyịn,+ owo kiet ke otu mmọ emi ekpenyene nditiene nnyịn ndi ntiense mban̄a ediset ke n̄kpa esie.”+
23 Ntre mmọ ẹsio owo iba ẹnịm, Joseph emi ẹkotde Barsabbas, emi udorienyịn̄ esie edide Justus, ye Matthias.
24 Ndien mmọ ẹbọn̄ akam ẹte: “O Jehovah, afo emi ọfiọkde esịt kpukpru owo,+ wụt enye emi afo emekde ke otu owo iba emi,
25 ete ada itieutom emi ye itie apostle,+ emi Judas ọkọkpọn̄de odụk usụn̄ idemesie.”
26 Ntre mmọ ẹsịn afia+ ẹban̄a mmọ, ndien afia ọduọ ọnọ Matthias; ndien ẹbat enye ẹdian ye mme apostle duopekiet.+
