SE AKPANAMDE MAN ESỊT ANA FI SỤN̄
Ini Emi Esịt Mîditịmekede Owo Aba
Item Bible ekeme ndinam esịt ana nnyịn sụn̄. Kpa ye oro, nnyịn ikemeke nditre kpukpru n̄kpọ oro ẹsinamde esịt etịmede nnyịn. Edi Abasi ekeme ndinam emi. Enye emek Jesus Christ ete an̄wam nnyịn. Ibịghike, Jesus ayanam utịben̄kpọ ke ofụri ererimbot, ndien se enye edinamde oyokpon akan se enye akanamde ini enye okodude ke isọn̄. Ke uwụtn̄kpọ:
JESUS ỌYỌKỌK MME OWO UDỌN̄Ọ NTE ENYE EKESINAMDE.
“Mmọ ẹda kpukpru mbon emi mîkopke nsọn̄idem . . . ẹdi, ndien enye ọkọk mmọ.”—MATTHEW 4:24.
JESUS AYANAM KPUKPRU OWO ẸNYENE UFỌK YE UDIA.
“Mmọ [mbon emi Christ edikarade] ẹyebọp ufọk ẹnyụn̄ ẹdụn̄ ke esịt; mmọ ẹyenyụn̄ ẹtọ in̄wan̄ vine ẹnyụn̄ ẹdia mbun̄wụm mmọ. Mmọ idibọpke ndien owo en̄wen odụn̄; mmọ iditọhọ ndien owo en̄wen adia.”—ISAIAH 65:21, 22.
UKARA JESUS AYANAM EMEM YE IFỤRE ODU.
“Edinen owo ayafiari ke eyo esie, ndien ediwak emem oyodu tutu ọfiọn̄ idụhe aba. Enye oyonyụn̄ akara mme owo ọtọn̄ọde ke inyan̄ kiet tutu esịm inyan̄ en̄wen onyụn̄ ọtọn̄ọde ke Akpa tutu esịm utịt isọn̄. . . . Mme asua esie ẹyenyụn̄ ẹdei ntan.”—PSALM 72:7-9.
JESUS AYANAM UTỤK YE UFỊK ETRE.
“Enye ayatua usụhọde owo ye ubuene mbọm, oyonyụn̄ anyan̄a ukpọn̄ mme ubuene. Enye ayafak ukpọn̄ mmọ osio ke ufịk ye afai.”—PSALM 72:13, 14.
JESUS AYANAM UFEN YE N̄KPA ETRE.
“N̄kpa [ididụhe] aba, mfụhọ m̀mê ntuan̄a m̀mê ubiak idinyụn̄ idụhe aba.”—EDIYARADE 21:4.
Ekeme Ndidi Ayama Mmọ Emi N̄ko
BIBLE EKEME NDIBỌRỌ MBỤME FO
Nso ke Obio Ubọn̄ Abasi Edinam?
Se se ukara Abasi edinamde ke ererimbot.
