Ma Mme Owo
Ntak Esisọn̄de
Asari esisịne owo ke idem ebịghi. Kpa nte esidade ini mbemiso ẹkemede ndisọbọ idiọk udọn̄ọ emi ama akadia owo idem, esida ini n̄ko mbemiso owo ekemede nditre asari. Nso ke akpanam man etre asari?
Se Bible Etịn̄de
“Ẹmen ima ẹsịne, koro enye edi mfọnmma mbọbọ edidianakiet.”—COLOSSAE 3:14.
Nso ke emi ekpep nnyịn? Ima esinam mme owo ẹdiana kiet. Ama ama mme owo, udûsarike mmọ, udûnyụn̄ usuaha mmọ, m̀mê ndida mmọ didie didie.
Se Akpanamde
Kere akpan n̄kpọ emi akpanamde ndiwụt ke amama mbon emi mûsumaha ndisan̄a n̄kpere. Emi iwọrọke ndinam enyọn̄ ye isọn̄ nnọ mmọ. Emekeme ndinam ekededi ke otu n̄kpọ emi isiakde mi:
Ndinam n̄kpri n̄kpọ ntem nnọ mme owo ayanam ọtọn̄ọ nditre asari
Edieke mbon emi mûsumaha ndisan̄a n̄kpere ẹsopde usụn̄, wụt mmọ usụn̄. Edieke mmọ ẹyomde itie nditie, dahada nọ mmọ itie ẹtie.
Domo nditọn̄ọ nneme ye mmọ ekpededi mmọ isemke usem mbufo ọfọn.
Edieke nte mmọ ẹdude uwem mîn̄wan̄ake fi, nyene ime, utu ke ndimia mmọ mberi mbe n̄ka uwa fo.
Edieke mmọ ẹtịn̄de mfịna mmọ ẹnọ fi, kpan̄ utọn̄ nọ mmọ.
Ekeme Ndidi Ayama Mmọ Emi N̄ko
NTE IN̄WAMDE MME OWO KE OBIO
Ikpep Mme Owo Bible Man Mmọ Ẹtre Asari
Mme Ntiense Jehovah ẹda ke kpukpru owo ẹdi ukem ke enyịn Abasi; akan-owo idụhe.
ẸDEMEDE!
Nti Item Emi Ẹdinamde Odu ke Emem ye Mme Owo
Mme edu ewe ẹkeme ndin̄wam nnyịn ika iso idu ke emem ye mme owo?
