NTE inuen emi esikade isan̄ enen̄ede akpa owo idem. Esida enye n̄kpọ nte usen itiaita ndife kilomita 11,000.

Kere ise: Ntaifiọk ẹdọhọ ke ndusụk inuen ẹsida se idude ke ekondo ẹfiọk ebiet emi mmọ ẹkade. Etie nte inuen enye emi esida utịn ọfiọk ebiet emi ikpasan̄ade uwemeyo, ada mme ntantaọfiọn̄ ọfiọk ebiet emi ikpodụkde eyo ama okụt. Etie nte enye esifiọk n̄ko ini emi oyobio edidide onyụn̄ ayak oyobio oro emen enye. Edi nte inuen emi ẹsisan̄ade aka utọ anyan isan̄ oro osụk akpakpa ntaifiọk idem. Ataifiọk kiet emi ekerede Bob Gill ọdọhọ ete: “Mmekpep n̄kpọ mban̄a inuen emi ke isua 20 idahaemi, edi nte mmọ ẹsisan̄ade ẹka utọ anyan isan̄ emi mmọ ẹsikade osụk akpakpa mi idem.”

Afo ekere didie? Ndi ekere ke n̄kpọ okoforo inuen emi esidiọn̄ọde usụn̄ aka utọ anyan isan̄ emi? Mîdịghe ndi ẹkebobot enye?