“Ami ye n̄wan mi imenyene mfịna ndien etetịm ọdiọk tọn̄ọ ikenyene nditọ. Mbọk ẹn̄wam nnyịn. Nyom ufọk nnyịn enem”

BIBLE ỌDỌHỌ ETE:

“Ẹda ọniọn̄ ẹbọp ufọk, ẹnyụn̄ ẹda mbufiọk ẹnam enye ọsọn̄ọ ada.”—Mme N̄ke 24:3.

IKPEHE EMI EDIN̄WAMDE FI

Ikpehe emi ẹkotde “Ebe ye N̄wan ye Mme Ete ye Eka” ekeme ndin̄wam fi ọfiọk:

• Nte ẹkemede ndiyọ akpa isua ndọ

• Nte akpanamde n̄kpọ ye mme ukot fo

• Nte ọkpọtụnọde nditọ fo

• Nte ẹkpetrede mfan̄a ye utọk

• Nte ẹkpekamade okụk

(Se ke ebiet emi okụtde: SE BIBLE EKPEPDE > EBE YE N̄WAN YE MME ETE YE EKA)

N̄wed Ukpọhọde Inemesịt Ubon eneme nsio nsio n̄kpọ, ọtọn̄ọde ke nte ekpetịmde idem ọnọ ndọ tutu esịm nte ekpesede aban̄a ete ye eka fo ke mmọ ẹma ẹkesọn̄.

(Se ke ebiet emi okụtde: SE ẸDỌN̄DE > MME N̄WED YE NDIYE UDUOT N̄KPRI N̄WED)

“Ofụri ekikere mi esịne ke nditọ mi koro nyom mmọ ẹkpon ẹdi nti owo”

BIBLE ỌDỌHỌ ETE:

“Teme eyenọwọn̄ ke usụn̄ emi odotde ye enye; ke ini enye akabarede akani owo, enye idiwọn̄ọkede ikpọn̄ enye.”​—Mme N̄ke 22:6.

IKPEHE EMI EDIN̄WAMDE FI

Ikpehe emi ẹkotde “Nditọwọn̄” esịne ndise mbụk Bible, ndise ẹdade ẹkpep n̄kpọ, mme vidio, ye mme ukpepn̄kpọ n̄kpri nditọ emi ekemede ndida n̄kpep nditọ fo . . .

• ndikop item

• ndifọn ido

• nditie ke emem ye mme owo

• ndikọm owo “sọsọn̄ọ”

(Se ke ebiet emi okụtde: SE BIBLE EKPEPDE > NDITỌWỌN̄)

N̄wed Mi eke Mme Mbụk Bible ye Kpep N̄kpọ to Akwa Andikpep ọdọn̄ọ ata ndiye ndise. Ẹkewet mme n̄wed emi man esitie ye nditọ fo okot.

(Se ke ebiet emi okụtde: SE ẸDỌN̄DE > MME N̄WED YE NDIYE UDUOT N̄KPRI N̄WED)

“N̄kpama ẹteme mi nte n̄kpanamde n̄kpọ ke ufọkn̄wed, nte n̄kpodude uwem ye ete eka mi, mme ufan mi, ye iban. Ndịghe eyenọwọn̄, ntre nyomke ẹnọ mi item nte eyenọwọn̄”

BIBLE ỌDỌHỌ ETE:

“Dara ke uyen fo.”—Ecclesiastes 11:9.

IKPEHE EMI EDIN̄WAMDE FI

Mme ibuotikọ ye mme vidio ke ikpehe emi ẹkotde “Mme Uyen” ẹkeme ndin̄wam fi . . .

• edieke okopde ndobo

• edieke enyenede mfịna ke ufọkn̄wed

• edieke abiatde ibet ke ufọk

• edieke ẹfiomode m̀mê ẹbrede fi ndisịme mbre

(Se ke ebiet emi okụtde: SE BIBLE EKPEPDE > MME UYEN)

N̄wed emi, Mme Mbụme Oro N̄kparawa Owo Ẹbụpde—Mme Ibọrọ Oro Ẹnyenede Ufọn, eboho 1 ye 2, ẹbọrọ mbụme 77 emi n̄kparawa ẹsiwakde ndibụp.

(Se ke ebiet emi okụtde: SE ẸDỌN̄DE > MME N̄WED YE NDIYE UDUOT N̄KPRI N̄WED)

“N̄kpama ndifiọk Bible, edi ndiọn̄ọke se n̄kpanamde”

BIBLE ỌDỌHỌ ETE:

“Abasi ọkọnọ odudu spirit ẹda ẹwet ofụri N̄wed Abasi.”—2 Timothy 3:16.

IKPEHE EMI EDIN̄WAMDE FI

Ẹkabade Edisana N̄wed Abasi—Edikabade Eke Obufa Ererimbot ọfọn. Bible emi onyụn̄ emem utom ndikot.

(Se ke ebiet emi okụtde: SE ẸDỌN̄DE > BIBLE)

Ke ikpehe emi ẹkotde “Mme Mbụme Bible Oro Ẹbọrọde” ẹbọrọ nsio nsio mbụme utọ nte “Nso ke Bible etịn̄ aban̄a Easter?” ye “Ini ewe ke Jesus akamana?”

(Se ke ebiet emi okụtde: SE BIBLE EKPEPDE > MME MBỤME BIBLE ORO ẸBỌRỌDE)

Edieke efịkde ebiet oro okụtde “N̄kpama Ẹdikpep Mi Bible” onyụn̄ ataip se ẹdọhọde ataip do, iyọnọ owo edikpep fi Bible ke mfọn.

(Fịk ebiet emi okụtde “N̄kpama Ẹdikpep Mi Bible” ke akpa page Intanet nnyịn)

“Mma ntre ndikot Bible sia se n̄kokotde ikan̄wan̄ake mi. Edi Bible ama edin̄wan̄a mi ndien ke ini ẹkedade n̄wed ‘Nso ke Bible Enen̄ede Ekpep?’ ẹkpep mi Bible. Ama enen̄ede enem mi ndikụt ke Bible isọn̄ke ntre.”—Christina.