Ẹketọn̄ọ ndimịn̄ Enyọn̄-Ukpeme ke July 1879. Ọtọn̄ọde ke ini oro, ediwak n̄kpọ ẹkpụhọde ke ererimbot, magazine emi onyụn̄ okpụhọde n̄ko. (Se mme ndise emi ke enyọn̄.) Ndien ọtọn̄ọde ke ọfiọn̄ emi, afo oyokụt mme ukpụhọde efen ke Enyọn̄-Ukpeme enye emi. Nso idikpụhọde?

Ke ediwak idụt, ata ediwak owo ẹma ndikot n̄wed ke Intanet sia mîsọn̄ke ndinyene se owo oyoyom do. Ediwak n̄wed, mme magazine, ye mme n̄wedmbụk n̄kpọntịbe ẹyọyọhọ Intanet.

Emi akanam ifiak inam ikpehe Intanet nnyịn www.dan124.com etetịm eye onyụn̄ emem utom ndikụt se owo oyomde. Mme owo ẹkeme ndikot n̄wed nnyịn mi ke se ibede usem 430. Ọtọn̄ọde ke ọfiọn̄ emi, mme owo ẹkeme n̄ko ndikot ndusụk ibuotikọ emi ikesimịn̄de-mịn̄, emi ẹdidude idahaemi ke Intanet kpọt. *

Sia idisidọn̄de ediwak ibuotikọ eken ke Intanet kpọt, ọtọn̄ọde ke ọfiọn̄ emi, Enyọn̄-Ukpeme enye emi ẹdisidi page 16 kpọt utu ke page 32. Enyọn̄-Ukpeme odu idahaemi ke usem 204. Edi sia enye oro imịn̄de-mịn̄ mîwakke ikọn̄ aba nte ekesiwakde, etie nte iyekeme ndikabade enye ke ata ediwak usem idahaemi.

Nnyịn imekere ke ukpụhọde emi ayanam ata ediwak owo ẹkop ikọ Abasi emi ekemede ndinyan̄a owo. Imonyụn̄ ibiere ndika iso mmịn̄ ndinem ibuotikọ emi nnyụn̄ ndọdọn̄ ndusụk ke Intanet man mbon oro ẹmade ndikot n̄wed nnyịn, emi ẹnyụn̄ ẹmade Bible ye se enye enen̄erede ekpep ẹkpeka iso ẹbọ ufọn.

Mme Andisio