Mbemiso Jesus Christ ọkọnyọn̄de heaven, enye ama ọdọhọ ke iyọtọn̄ọ ntak idi. Enye ọkọdọhọ ke imọ inyụn̄ itie nte ọbọn̄ emi akakade anyan idụt ndikọbọ ubọn̄ nnyọn̄ ndi. Ntre, Jesus ọtọn̄ọ ntak edi man nnyịn ikpenyene eti ukara.—Kot Luke 19:11, 12.

Didie ke Jesus ọtọn̄ọ ntak edi? Ke enye ama akakpa, Abasi ama anam enye eset nte spirit. (1 Peter 3:18) Ekem enye ama ọnyọn̄ heaven eketie ke ubọk nnasia Abasi. (Psalm 110:1) Nte ini akakade, Jehovah Abasi emi edide “Andisọn̄ọ Usen” ama ọnọ Jesus odudu ndikara mme owo. Ini emi ke Jesus ọkọtọn̄ọ ntak edi, kpa ye oro ererimbot mîkwe sia enye edide spirit.—Kot Daniel 7:13, 14.

Ke ini enye edisan̄ade ye mme angel esie idi, ererimbot idikwe sia enye edide spirit. Enye eyekpe ikpe ọnọ mme owo, osobo mme idiọkowo onyụn̄ ọnọ ndinen owo uwem nsinsi.—Kot Matthew 25:31-33, 46.

Jesus ayanam isọn̄ emi akabade Paradise. Enye oyonyụn̄ anam mme akpan̄kpa ẹset man mmọ ẹkpetiene ẹdu ke Paradise ke isọn̄ emi.—Kot Luke 23:42, 43.