Nen̄ede tịm idem. Kpep utịn̄ikọ fo tutu enye enen̄ede an̄wan̄a fi man ekeme ndida N̄wed Abasi n̄wụt mme owo ke se afo ekpepde edi akpanikọ. Da ikọ ifan̄ tịn̄ mme akpan n̄kpọ emi ẹdude ke utịn̄ikọ fo. Kere nte se afo etịn̄de edin̄wamde mme owo. Ben̄e Jehovah ọnọ fi edisana spirit esie.

Yak nte etịn̄de ikọ owụt ke emenịm se afo etịn̄de. Tịn̄ enye ke ikọ idemfo utu ke ndikot se idude ke n̄wed utịn̄ikọ ke ibuot. Yak nte afo etịn̄de ikọ owụt mme owo ke emenen̄ede enịm se afo etịn̄de.

Tịn̄ enye ke ofụri esịt. Yak mme owo ẹkop se afo etịn̄de. Se mme owo iso tịn̄ ikọ edieke owo mîdidaha oro nte usọn̄enyịn ke edem mbufo.