Da se mme owo ẹdiọn̄ọde nọ uwụtn̄kpọ. Nam nte Jesus akanamde, da n̄kpri n̄kpri n̄kpọ emi mme owo ẹdiọn̄ọde nọ uwụtn̄kpọ emi edikpepde mmọ se mmọ mîkọdiọn̄ọke m̀mê se mmọ mîkekereke-kere. Kûtịn̄ kpukpru se ọdiọn̄ọde aban̄a uwụtn̄kpọ oro tutu uwụtn̄kpọ emi okoyomde ndida n̄kpep owo n̄kpọ editetịmede owo. Tịn̄ n̄kukụre se idinamde se afo ekpepde ọsọp an̄wan̄a owo.

Kere ban̄a mbon emi etịn̄de ikọ ọnọ. Da mme n̄kpọ emi mme owo ẹmehede nọ uwụtn̄kpọ. Edi mbọk kûnọ uwụtn̄kpọ emi edifịnade owo, m̀mê enye emi edibiakde owo, mîdịghe anam owo bụt.

Kpep mme owo akpan n̄kpọ. Kûnọ uwụtn̄kpọ ke kpukpru n̄kpọ, nọ ke mme ebiet emi oyomde mme owo ẹkpep akpan n̄kpọ. Kûnọ uwụtn̄kpọ ke usụn̄ emi mme owo ẹditide uwụtn̄kpọ oro kpọt, edi ikam itịghi akpan n̄kpọ emi uwụtn̄kpọ oro ekekpepde mmọ.