Ndi esitie fi ke idem nte edi asan̄a ikpọn̄ ebọk, nte n̄kpọ eke ẹkụkde-kụk fi ẹsịn ke ufọk? Edieke etiede fi ntre, ọwọrọ onyụn̄ etie fi nte eketiede andiwet Psalm emi ọkọdọhọde ete: “Mmonyụn̄ n̄kabade mbiet inuen emi ọsọrọde ikpọn̄ ke ọkọmufọk.” (Psalm 102:7) Bible ekeme ndin̄wam fi ọyọ se isiwọrọde owo emi n̄kpọ okụkde esịn ke ufọk, iyakke ọwọrọ an̄wa.

•  Nam se idinamde fi ekpere Abasi

•  Kot mme itie Bible emi ọdọn̄de fi esịt

•  Kpep diọn̄ọ se inamde ererimbot etie ntem

•  Kûtie ukpa ekikere ke kpukpru n̄kpọ

•  Nyene nti ufan

•  Kûtie itie kiet, sịn̄ede idem

 Ke ini n̄kpọ okụkde fi esịn ke ufọk, iyakke ọwọrọ an̄wa, omosụk ekeme ndikop inemesịt edieke afo ọdiọn̄ọde ke omoyom Abasi ke uwem fo, onyụn̄ anamde se ekekeme ndikpere Abasi. (Matthew 5:3, 6) Se idude ke idak emi ẹkeme ndin̄wam fi. Kpukpru ẹdi ke mfọn.

•   Bible emi ẹkabarede ata nnennen nnennen, emi mîsọn̄ke ndikot mmọmi ke ikpehe Intanet emi

•   N̄kpri vidio emi ẹkpepde owo akpan n̄kpọ ke Bible

•   “Bible Ekeme Ndibọrọ Mbụme Fo”—Ikpehe emi ọbọrọ ediwak mbụme emi mme owo ẹsibụpde

•   “Kpebe Mbuọtidem Mmọ”—Ikpehe emi anam etie nte imokụt ndusụk irenowo ye iban emi ẹkenamde n̄kpọ Abasi ke eyo Bible

•   “Ndi Ẹkebobot?”—Ikpehe emi anam idiọn̄ọ nte n̄kpọ-obot eyede onyụn̄ enyenede utịbe

  Bible ọdọn̄ ata ediwak owo esịt. Edi utu ke nditie ini kiet ndomo ndikot ofụri Bible mma, kam da ini emi mûkemeke ndiwọrọ an̄wa mi tie kere ekpri se ekemede ndikot nyụn̄ bọn̄ akam.—Mark 1:35.

•   Psalm 23:1-6

•   Psalm 34:1-22

•   Psalm 46:1-11

•   Psalm 63:6-8

•   Psalm 91:1-6

•   Matthew 6:25-34

•   2 Corinth 1:3, 4

•   Philippi 4:6, 7

•   1 Peter 5:6, 7

  N̄kpọ en̄wen emi ekemede ndin̄wam fi ọyọ se iwọrọde fi edi ndidiọn̄ọ ntak emi ndiọi n̄kpọ ẹsitịbede ye nte Abasi edinen̄erede kpukpru n̄kpọ ibon.—Isaiah 65:17.

•   Ntak emi Abasi ayakde mme owo ẹbọ ufen?

•   Nso ke Bible etịn̄ aban̄a nsọn̄idem?

•   Nso idi idiọn̄ọ “mme akpatre usen”?

•   Mmanie ẹdi mme awat enan̄-mbakara inan̄ emi Ediyarade etịn̄de aban̄a?

•   Nso ke Obio Ubọn̄ Abasi edinam?

  Mme ibuotikọ emi iwetde ke idak ẹkeme ndin̄wam fi ke ini esịt etịmerede fi sia mûkemeke ndiwọrọ an̄wa, onyụn̄ anam fi ‘etre nditịmede esịt.’—Matthew 6:25.

•   Se akpanamde man esịt ana fi sụn̄

•   Ndi Bible ekeme ndin̄wam fi ke ini esịt etịmerede fi?

•   Nditịmede esịt mban̄a n̄kpọndịk

•   Nditịmede esịt mban̄a okụk

•   Se isinamde esịt etịmede mme uyen

  Nti ufan ẹsifọn etieti ye kiet eken ẹnyụn̄ ẹsọn̄ọ kiet eken idem akpan akpan edieke mbufo mîkemeke ndikụt kiet eken iso ye iso. Edieke n̄kpọ mîyakke fi ekeme ndiwọrọ an̄wa, omosụk ekeme ndinyene nneme ye mme ufan fo ke fon m̀mê ke video call. Amakam ekeme ndida fon ye video call nnam ufan ye mme owo. Mme ibuotikọ emi ẹdude mi ke idak ẹkeme ndin̄wam fi ọfiọk nte akpasan̄ade enyene “ata ufan.”—Mme N̄ke 17:17.

•   Se akpanamde man edi eti ufan?

•   Kûnam ufan ye mbon edem mbufo kpọt

•   Nso ke n̄kpanam edieke n̄kopde ndobo?

•   Sinọ owo n̄kpọ man enyene ufan

•   Sikọm owo man enyene ufan

  Bible ọdọhọ ke “edisịn̄ede idem enyene . . . ufọn.” (1 Timothy 4:8) Enye ekeme ndinam idem ọsọn̄ fi akpan akpan edieke n̄kpọ mîyakke ekeme ndiwọrọ an̄wa. Ekpededi esịne ke ufọk, yom n̄kpọ nam emi edinamde fi esịn̄ede idem esisịt.

•   Sisịn̄ede idem

•   Se ban̄a idemfo nyụn̄ kpep ndiyọ n̄kpọ