Idụhe item emi ekemede ndin̄wam owo ke uwem nte enye emi ọdọn̄ọde ke Bible! Okpokot mmọ, etie ekere se okotde, onyụn̄ anam se ekpepde, ‘oyokụt unen ke usụn̄ fo.’ (Joshua 1:8; Psalm 1:1-3) Oyonyụn̄ enen̄ede ọdiọn̄ọ ata Abasi ye Eyen esie, Jesus, ndien oro ekeme ndinam ẹnyan̄a fi.—John 17:3.

Ọkpọtọn̄ọ ke m̀mộn̄ okot Bible? Emekeme nditọn̄ọ n̄kot ke nsio nsio itie. Ekpri n̄wed ndutịm ukot Bible emi ekeme ndin̄wam fi okot n̄wed Bible ke adiana ke adiana nte onyụn̄ okụtde mi, m̀mê okot etiene mme ibuotikọ oro ẹbaharede mmọ ẹdọn̄. Ke uwụtn̄kpọ, emekeme ndimek nsio nsio itie Bible okot man ọdiọn̄ọ ndusụk n̄kpọ aban̄a nte Abasi akanamde n̄kpọ ye nditọ Israel. Emekeme ndikot mme itie en̄wen emi edinamde fi ọdiọn̄ọ nte esop Christian eyo mme apostle ọkọtọn̄ọde onyụn̄ ọkọride. Edieke okotde mme ibuotn̄wed oro ẹbaharede ẹdọn̄ ẹnọ usen kiet kiet, oyokot ofụri Bible ama ke isua kiet.

Ekpededi oyom ndidiọn̄ọ nte akpabaharede Bible fo okot ke usen ke usen, okot ke ufan̄ isua kiet, m̀mê nte akpakam ọtọn̄ọde-tọn̄ọ, n̄wed ndutịm ukot Bible emi ayan̄wam fi. Ntre sio ekpri n̄wed emi, Ndutịm Ukot Bible, emekeme ndimịn̄ enye emi, nyụn̄ tọn̄ọ ndikot Bible mfịn.