Ke ini ifiakde ikeneme ikọ Abasi ye owo m̀mê ikpepde owo Bible, ana inam akpan n̄kpọ oro ikpepde enye an̄wan̄a enye. Edieke idade uwụtn̄kpọ inam akpan n̄kpọ an̄wan̄a owo, oro ayanam enye ekere n̄kpọ, idinyụn̄ iyakke enye ọsọp efre se ikpepde enye.

Ke ini eben̄ede idem ndika n̄kekpep owo Bible, ọfọn enyene uwụtn̄kpọ emi edidade inam akpan n̄kpọ an̄wan̄a owo oro, edi kûnọ uwụtn̄kpọ ke kpukpru n̄kpọ. Da mme n̄kpọ emi owo oro ọdiọn̄ọde nọ uwụtn̄kpọ. (Mt 5:14-16; Mr 2:21; Lu 14:7-11) Kere ban̄a utọ owo emi enye edide ye se enye esinamde. (Lu 5:2-11; Joh 4:7-15) Ke ini uwụtn̄kpọ oro ọnọde an̄wan̄ade enye, esịt ayadat fi n̄ko.

ẸSE VIDIO ORO YAK NDIN̄WAM MME OWO ẸDIKPONO ABASI ANAM FI OKOP IDATESỊT —KPEP NDINỌ UWỤTN̄KPỌ KE NNENNEN ITIE, EKEM ẸBỌRỌ MME MBỤME EMI:

• Ntak emi esiyomde inam ndusụk itie Bible an̄wan̄a eyen ukpepn̄kpọ nnyịn?

• Ewe uwụtn̄kpọ ke Anita akada anam Rome 5:12 an̄wan̄a eyen ukpepn̄kpọ esie?

• Didie ke eti uwụtn̄kpọ ekeme ndin̄wam owo emi nnyịn ikpepde Bible?

• Ntak emi ọfọnde isikama vidio ye mme n̄kpọ eken oro esop Abasi ẹnọde nnyịn ikwọrọ ikọ inyụn̄ ikpep owo Bible?