Ke November, iyenen̄ede inam mme owo ẹdiọn̄ọ ke obufa ererimbot ekpere. (Ps 37:10, 11; Edi 21:3-5) Mbọk nam ndutịm man etiene esịn idem etịn̄ aban̄a obufa ererimbot ọfiọn̄ oro. Edieke anamde usiakusụn̄ unọ un̄wam ọfiọn̄ oro, emekeme ndinọ hour 30 m̀mê hour 50.

Kot itie N̄wed Abasi emi etịn̄de n̄kpọ aban̄a obufa ererimbot nọ ediwak owo nte ekekeme. Ke ini oyomde ndikot itie N̄wed Abasi nnọ owo, kere ban̄a itie emi mme owo ke edem mbufo ẹdimade. Edieke owo amade se etịn̄de ọnọ enye, nọ enye Enyọn̄-Ukpeme No. 2 2021. Kûbiat ini ndifiak n̄keneme ikọ Abasi ye owo oro, nyụn̄ da ediye ekpri n̄wed Du Ata Uwem ke Nsinsi! tọn̄ọ ndikpep enye Bible. Enen̄ede enem nnyịn nditiene nsịn idem n̄kwọrọ “eti mbụk eti n̄kpọ” nnọ mme owo! —Isa 52:7.

ẸSE VIDIO OBUFA IKWỌ ORO OBUFA ERERIMBOT, EKEM ẸBỌRỌ MME MBỤME EMI:

• Nso ke ekpri eyen oro etie ekere aban̄a ini iso?

• Nso ye nso inen̄ede idọn̄ fi ndikụt ke obufa ererimbot?

• Didie ke nditie n̄kere nte obufa ererimbot editiede ekeme ndin̄wam fi etiene esịn idem ọkwọrọ ikọ ke November?—Lu 6:45