Bibliak borondatez eta arrazoi egokiarekin ematera animatzen du. Hau egitean, jasotzen duenaz gain, ematen duena ere zoriontsua izan daitekeela erakusten du Bibliak (Esaera Zaharrak 11:25; Lukas 6:38). Jesusek honakoa esan zuen: «Zorion gehiago du emateak hartzeak baino» (Eginak 20:35).

•  Noiz da ematea lagungarria?

•  Noiz ez da ematea zuzena?

•  Emateari buruzko biblia-aipuak

 Borondatez ematen denean, emaitza onak jasotzen ditugu. Bibliak honakoa dio: «Eman beza bakoitzak bere kontzientzian erabaki duena, baina ez gogo txarrez eta behartuta bezala, alai ematen duena maite baitu Jainkoak» (2 Korintoarrei 9:7).

 Jainkoa adoratzeko, bihotzez eman behar dugu (Santiago 1:27, NWT). Beharrean dagoenari eskuzabaltasunez laguntzen diogunean, Jainkoarekin elkarlanean ari gara. Horrela jokatzen dugunean, Jainkoak gurekin zorretan dagoela esaten du (Esaera Zaharrak 19:17). Jainkoak, ematen duenari ordainduko diola irakasten du Bibliak (Lukas 14:12-14).

 Arrazoi berekoiengatik egiten dugunean. Adibidez:

•   Besteak inpresionatzeko (Mateo 6:2).

•   Trukean zerbait jasotzeko (Lukas 14:12-14).

•   Salbamena erosteko (49. Salmoa 7, 8 [49:6, 7, NWT).

 Jainkoak onartzen ez dituen jokabide edo ekintzak babesten ditugunean. Esaterako, gaizki egongo litzateke apustu egiteko, mozkortzeko edo drogak erabiltzeko norbaiti dirua ematea (1 Korintoarrei 6:9, 10; 2 Korintoarrei 7:1). Era berean, ez litzateke zuzena izango lan egiteko gai izanda, ez egitea erabakitzen duen norbaiti dirua ematea (2 Tesalonikarrei 3:10).

 Jainkoak ematen dizkigun ardurak betetzea oztopatzen digunean. Familia-buruak bere familiaren beharrak asetu behar dituela irakasten du Bibliak (1 Timoteori 5:8). Beraz, gaizki egongo litzateke familia-burua besteei hainbeste emateagatik bere familia ez zaintzea. Era berean, zuten guztia «Jainkoarentzat opari» zen aitzakiarekin, euren guraso helduak zaindu nahi ez zituztenak kondenatu zituen Jesusek (Markos 7:9-13).