Jehoba Bibliako benetako Jainkoa da, gauza guztien Sortzailea (Apokalipsia 4:11). Abraham, Moises eta Jesus berak ere Jehoba adoratu zuten (Hasiera 24:27; Irteera 15:1, 2; Joan 20:17). Jehoba mundu osoaren Jainkoa da eta ez herri batena bakarrik (47. Salmoa 3 [47:2, NWT]).

 Bibliak Jainkoak duen izen bakarra adierazten du: Jehoba (Irteera 3:15, NWT; 83. Salmoa 18, NWT). Izen hau «bihurtzea» esan nahi duen aditz hebrear batetik dator. Aditu batzuek diote bere izenak «bihurtzea sortarazten du» esan nahi duela. Definizio honek ederki azaltzen du Jehoba Sortzailea dela eta bere helburuak betetzen dituela (Isaias 55:10, 11). Bibliak Jehobaren izaera ere ezagutzen laguntzen digu, bereziki, bere ezaugarri nagusia: maitasuna (Irteera 34:5-7: Lukas 6:35; 1 Joan 4:8).

 Jainkoaren izen hebrearra, lau kontsonantez idazten zen: יהוה (YHWH). Honi Tetragramaton deitzen zaio. Ez da ezagutzen zehatz-mehatz antzinako hebrearrez nola ahoskatzen zen izen hau. Urteetan zehar, «Jehoba» izena erabili izan da euskaraz. a

Zergatik ez dakigu nola ahoskatzen zen Jainkoaren izena antzinako hebreeraz?

 Antzinako hebreera kontsonanteekin bakarrik idazten zen, bokalik gabe. Irakurtzean, bazekiten hitz bakoitzaren bokalak zeintzuk ziren. Baina idazki hebrearrak, hau da, Testamentu Zaharra idatzi eta gero, judutar askok Jainkoaren izena ahoskatzea gaizki zegoela pentsatzen jarraitu zuten. Pasarte bat irakurtzean, Jainkoaren izena agertzen bazen, izena esan ordez, «Jauna» edo «Jainkoa» esaten zuten. Mendeak pasa ahala, ohitura horrekin jarraitu eta Jainkoaren izenaren ahoskera galdu egin zen. b

 Askok diote Jainkoaren izena «Yahweh» ahoskatzen zela. Baina, beste batzuek, beste aukera batzuk ematen dituzte. Itsaso Hileko Eskuizkribuen artean, Lebitarrena liburuaren zati bat aurkitu zen. Zati honetan, grekoz transkribatutako Iao izena zegoen. Gaur egungo idazle grekoek Iae, I·a·beʹ eta I·a·ou·eʹ ahoskerak ere aholkatzen dituzte. Baina ezin da probatu antzinako hebreeraz horrela ahoskatzen zenik. c

Jainkoaren izenaren erabilerari buruzko ideia okerrak Biblian

 Ideia okerra: Jainkoaren izena hebreeraz nola esaten zen ezagutzen ez dugunez, ez zen Biblian egon beharko.

 Ideia zuzena: Aurreko arrazoiak, hizkuntza desberdina hitz egiten duen jendeak, Jainkoaren izena berdin ahoskatu behar duela suposatzen du. Baina Bibliak aipatzen du, Jehobaren zerbitzariek hizkuntza desberdinak hitz egiten zituztenez, pertsonen izenak desberdin ahoskatzen zituztela.

 Ikusi dezagun, adibidez, Josue epaile israeldarraren kasua. Hebreeraz hitz egiten zuten lehenengo kristauek, Yehoh·shuʹaʽ ahoskatzen zuten. Grekeraz hitz egiten zutenek, aldiz, I·e·sousʹ esaten zuten. Biblian Josue izen hebrearraren itzulpen grekoa egoteak, kristauek beraien hizkuntzan ohikoak ziren izenak erabiltzen zituztela adierazten du (Eginak 7:45; Hebrearrei 4:8).

 Gauza berdina gertatzen da Jainkoaren izenarekin. Laburbilduz, Biblian izen hau bere lekuan egotea, ondo ahoskatzea baino garrantzitsuagoa da.