Biblia irakurtzen dugunean, hainbat ikerketa tresna erabili ditzakegu irakurtzen duguna ulertzeko. Baina, gure helburua ez da Bibliari buruzko ezaguera handitzea bakarrik. Lortu nahi duguna Jehobaren izaerari buruzko altxor espiritualak aurkitzea da. Honela, berari diogun maitasuna handitu egingo da. Hau lortzeko, honakoa galdetu ahal diogu geure buruari: «Zer irakasten dit Bibliako pasarte honek Jehobari buruz?».

Esaterako, Jehobak bere ezaugarri bereizgarriak, hau da, maitasuna, jakinduria, justizia eta boterea, nola erakutsi dituen aztertu dezakegu. Baina, hauetaz gain, Jehobak beste ezaugarri erakargarri asko ditu. Non aurkitu dezakegu bere ezaugarriei buruzko informazio gehiago?

Índice de las publicaciones Watch Tower (Index des publications des Témoins de Jéhovah) argitalpenean, Jehobaren 50 ezaugarri baino gehiago agertzen dira. Hauek aurkitzeko, jo «Jehová» («Jéhovah») sarrerara eta, ondoren, «Cualidades por nombre» («Qualités par nom») azpisarrerara. Irakurtzen ari zaren Biblia pasartearekin lotutako ezaugarriak aztertu (Guía de estudio para los testigos de Jehová [Guide de recherche pour les Témoins de Jéhovah] bakarrik baduzu eskuragarri, jo «Jehová» [«Jéhovah Dieu»] sarrerara eta, ondoren, «Cualidades de Jehová» [«Qualités de Jéhovah»] azpisarrerara).