Markos 16:1-8
-
Jesus berpiztua (1-8)
16 Larunbata pasa eta gero, Magdalako Maria, Maria —Santiagoren ama— eta Salomek usain goxoko espeziak erosi zituzten Jesusen gorpua igurtzeko.
2 Eta asteko lehen egunean, goizean goiz, eguzkia atera orduko, hilobira* joan ziren.
3 Batak besteari esaten zion: «Nork mugituko digu harria hilobiko sarreratik?».
4 Baina begiak altxatzean, harria jadanik kenduta zegoela ikusi zuten, nahiz eta oso handia izan.
5 Hilobian sartu zirenean, gizon gazte bat ikusi zuten eskuinaldean eserita, tunika zuriz jantzia; eta zeharo harrituta geratu ziren.
6 Hark esan zien: «Ez harritu. Zutoinean exekutatu zuten Jesus Nazaretarraren bila zabiltzate. Berpiztua* izan da. Ez dago hemen. Begira! Hau da jarri zuten tokia.
7 Orain, zoazte eta esan dizipuluei eta Pedrori: “Zuen aurretik doa Galileara. Han ikusiko duzue, berak esan zizuen bezalaxe”».
8 Beraz, hilobitik atera zirenean, ihes egin zuten dardarka eta emozioz gainezka. Ez zioten inori ezer esan, beldur baitziren*.
Oharra
^ Edo «oroitzapen hilobira».
^ Lit. «altxatua».
^ Eskuizkribu zahar eta fidagarrienen arabera, Markos ebanjelioa 8. bertseteko hitzekin amaitzen da.
