AYÈGÈ 28
Vaa Yéhova ban Yésus ngang asu é dzam be nga bò asu doé
Wò woren dzé éyòng mvoé dzoé zing ya ve wò mbembe éfaa? O ne mintak abui, o nga yi fe na wò lere nyè na a bò wò mbembe dzam. Yéhova ban Yésus be nga ve bia éfaa é ne ngul abui: Ntang. Nde, akia afé bi ne bò dzam ve ngang?
1. Ai zen fé bi ne dzam lere na bia ve Zamba ban Kristu ngang asu é dzam be nga bò asu daan?
Bibel a dzo na “é mot ose a lere mbunen abe Yésus” a yi bi énying kòm (Yohannes 3:16). Dzé ya tilen na a lere mbunen? Nala a lot ve zeze nyebe. Bia lere mbunen waan a mintsigen bia nòng ai a mimbòen miaan (Yakòbus 2:17). Éyòng bia lere mbunen waan a nkòbò ai a mimbòen miaan, bia yemede amvoé daan ai Yésus ban Ésia woé, Yéhova (Lang’a Yohannes 14:21).
2. Dzam afé fe da ve fe bia zen ya lere na bia ve Yéhova ai Yésus ngang asu é ngul dzam be nga bò?
É ngogè a nga kèène lot ai beyègè boé, Yésus a nga lere bò é zen fe bi ne dzam lere na bia ve ngang asu ntang. A nga béndé bò na be kare togen asu Étsog awu dié, a Bibel a loé fe dzam té na: “bidi bi Nti” (1 Kòrinti 11:20). Yésus a nga telé mbòen té asu yi na bapostel boé, ai mimfang bekristen bese amvus dzaba, be kare tsog na a nga ve énying dzié asu daba. Ngogè té, Yésus a nga dzo na: “Keen osu na mia bò dò asu otsogo wòmò” (Lukas 22:19). Yem na éyòng wò tòbò Étsog awu Yésus, wò lere Yéhova ai Yésus na wò ve bò ngang asu éding ya ba ding bia.
TUENE FAG
Bi tam yen mezen mefe bi ne lere na bia ve Yéhova ban Yésus ngang. Bia yi fe yen é mam mese ma bebe Étsog awu Yésus.
3. Akia afé bia yi lere a mimbòen na bia ve Yéhova ban Yésus ngang asu ntang
Tam fas na o he ku a moro osoé zing, nde mot a he koré wò. Da yi bò ayié na o vuen mbeng ya mot té a he bò wò se nala? Wò yi dzeng ai mezen mese na o ve nyè ngang amu a he nyii wò.
Yéhova a nga koré bia éyòng a nga ve Mòn woé. Lang’a 1 Yohannes 4:8-10 ai yalen minsili mi tsaa mi:
-
Amu dzé metunenga me Yésus me ne ngul éfaa?
-
Wò woren dzé éyòng wò tsog é dzam Yéhova ban Yésus be nga bò asu doé?
Akia afé bi ne dzam ve Yéhova ban Yésus ngang asu ntang? Lang’a bifus bi: 2 Kòrinti 5:15 ai 1 Yohannes 4:11; 5:3. Amvus yi na o lang ya éfus ése yalen a nsili hi:
-
Akia afé o ne dzam lere na o ne mintak ai é das Zamba a nga ve wò?
4. Nfi bi ne nòng éyòng bia vu Yésus
Bia lere fe na bia ve Yéhova ban Yésus ngang asu ntang éyòng bia tong mvulna Yésus. Lang’a 1 Pétrus 2:21 ai yalen a nsili hi:
-
Akia afé o ne tong mvulna Yésus?
Yésus a mbe a ding’i Ébug Zamba, a kele a kat foé, ai a vòligi fe bot
5. Nfi ya tòbò Étsog awu Yésus
Asu yi na o yem akia ya Étsog awu Yésus é nga loren éyòng osu, Lang’a Lukas 22:14, 19, 20. Amvus ya été yalen minsili mi tsaa mi:
-
Akia afé bidi bi Nti bi nga loren ngogè té?
-
Mbang’la ai wain bi ne ndem dzé? (Bebege éfus 19 ai 20).
Yésus a yi na beyègè boé be bò étsog awu dié éyòng dzia a mbu ose. Asu té ndò, Beboala be Yéhova ba togen mbu ose asu yi na ba bò Étsog awu Yésus akia émen a nga telé mam. Asu yi na o yem mam mefe me tii ai dzam té, bebege VIDÉO ai yalen a nsili hi:
-
Akia afé Étsog awu Yésus da bòben?
Mbang’la a ne ndem nyòl Yésus é ne tegè ai nsem a nga ve asu akoré daan. Ai wain a ne ndem meki moé
ABUI BOT DA DZO NA: “Asu yi na o bi akoré, yebege Yésus ane nkoré.”
-
Akia afé o ne belen ai Yohannes 3:16 ai Yakòbus 2:17 asu yi na o lere na seki ve nyiène abim té?
OBALBAS
Bia lere na bia ve Yésus ngang asu ntang éyòng bia lere mbunen waan abe nyè ai éyòng bia bi tòbò Étsog awu dié.
Dzé bia baala
-
Dzé ya tilen na wò yebe Yésus?
-
Mfaa woé, akia afé o ne dzam ve Yéhova ban Yésus ngang asu ntang?
-
Amu dzé a ne ai nfi na o tòbò Étsog awu Yésus?
O NE FE BEBE
Awu Yésus la tindi bia na bi bò dzé?
Dzé é ne mbunen, ai akia afé bi ne dzam lere mbunen waan?
“Exerce ta foi dans les promesses de Jéhovah” (La Tour de Garde, octobre 2016)
Nlang “Je me sens pure, et j’aime la vie,” wa lere ane nyenen mam mininga zing o nga tséndé éyòng a nga tuene bindi dzé é ne ntang.
“La Bible transforme des vies” (La Tour de Garde, 1er août 2011)
A tang abui bot la kare sò tòbò Étsog awu Yésus, asu dzé ve man abim mbò ba di mbang’la be nyaa fe wain?
