AYÈGÈ 34

Akia afé bi ne lere na bia ding Yéhova?

VOGOLO A

Ane o nga tari ayègè Bibel doé, ye wò woren fò na Yéhova a ne wò babi? Ye wò yi na wò ke osu na wò wono élat dzoé ai nyè? Baala na, ane éding dzoé asu Yéhova ya yi ke ya nang, éye fe Yéhova a yi ke osu na a ding wò, ai a nòng ndzug ai wò nala. Akia afé hm o ne dzam lere na wò ding nyè?

1. Akia afé o ne lere Yéhova na wò ding nyè?

Wò lere na wò ding Yéhova éyòng wò bò nyè mewog (Langʼa 1 Yohannes 5:3). Yéhova a bi ki mot zing a ngul asu yi na a bò nyè mewog. A dzogè mot ose fili yi na a tòb nyè ai na a bò nyè mewog. Asu yi na o tòbò mintak, wò yeane nyè bò “mewog ai nnem woé ose” (Romani 6:17). Nala a tilen na, Yéhova a yi ki na o bò mewog obila, ve a yi na o bò dò amu wò ding nyè. Ngab lala ai é nyi nyina ya é kalara nyi, ma yi wò vòli na o tuene lere Yéhova éding dzoé éyòng wò yi bò é mam a ding, ai a saala é ma a fem.

2. Amu dzé a ne dzam bò ayié ya lere Yéhova na bia ding nyè?

“Mindzug besusuo mi ne abui” (Salmen 34:19). Bia bese bia kare lumen ai étié besem dzaan. Bia bese bia lumen ai mebua, bi toben fe ai nkòt, ai abui mindzug mife. Mindzug mité mise mia bò na bi yen ayié ya lere Yéhova na bia ding nyè, a ntoa fe bia ébugubu ya bò Yéhova melò. Ve nge wò ve mengul ya bò Yéhova mewog, wò yi lere na wò ding nyè. Éyòng té fe Yéhova a yi lere na a ding wò. A yi ki wò dzogè amos zing (Langʼa Salmen 4:3).

TUENE FAG

Bi tam yen asu dzé a ne ai nfi na bi bò Yéhova mewog, bia yi fe yen é dzom é ne bi vòli mfaa té.

3. É dzam da bebe wò

Kalara Yiob a lere ane Satan a nga sòmen Yiob, ve seki nyè étam, a nga sòmen fe bebò bisié be Yéhova bese. Langʼa Yiob 1:1, 6–2:10 ai yalen minsili mi tsaa mi:

Mfaa Satan, amu dzé Yiob a nga be bò Yéhova mewog? (Bebege Yiob 1:9-11).
Sòmen fé Satan a nga sòmen bot bese, a ya bebe fe wò? (Bebege Yiob 2:4).

Langʼa Yiob 27:5b ai yalen a nsili hi:

Akia afé Yiob a nga lere na a ding fò Yéhova? Bia fe bia lere na bia ding Yéhova éyòng bia bò nyè mewog.

Yiob a nga lere fò na a ding Yéhova amu a nga baala élat dzié ai nyè a ntié énying woé

Bia yi lere na bia ding Yéhova éyòng bia ke osu na bia baala élat dzaan ai nyè

4. Bò na Yéhova a tòbò mintak ai wò

Langʼa Minkana 27:11 ai yalen minsili mi tsaa mi:

Dzé Yéhova a woren éyòng wò nòng mintsigen mi ne feg, o bò fe nyè mewog? Asu dzé?

5. O ne dzam baala élat dzoé ai Yéhova

Éding bi bele asu Yéhova ya tindi bia na bi kat é bot bevòk za ya a ne. Nge bia baala élat dzaan ai Yéhova, bia yi ke osu ne bia bò dò afiangʼen bò mindzug. Bebege VIDÉO ai yalen minsili mi tsaa mi:

VIDÉO: Kamen ai mbunen woé afiangʼen bò melumen (5:09)

Ye abog zing a ne wò ayié ya kat é bot bevòk é mam me tii ai Yéhova?
Dzé é nga vòli Grayson na a dang é wòng a nga be a bele?

A ne bia ébugubu ya ke osu na bia wulu baaba ai Yéhova nge bia ding é mam a ding, bi feme fe é ma a fem. Langʼa Salmen 97:10 ai yalen minsili mi tsaa mi:

Éyòng wò tsog é mam mese o yègèya, mefé Yéhova a ding? Ai mam mefé Yéhova a fem?
Akia afé o ne yègè ding é mam me ne mbeng ai a fem é ma me ne abé?

6. A ne bia ai nfi na bi bò Yéhova mewog

A bò Yéhova mewog abog ase a ne mbembe dzam énying mot. Langʼa Yésaya 48:17, 18, ai yalen minsili mi tsaa mi:

Ye bi ne tòbò ndi na abog ase Yéhova a yem é dzom é ne mbeng asu daan? Asu dzé?
Ntié ane o nga kèè ai ayègè Bibel doé ai a yègè yem Nya Zamba, bemaa befé o biya?

ABUI BOT DA DZO NA: “Zamba a nòng ki ngab ai mimbòen miama.”