Jehôva a kômô naa be-bo bisèñ bèñ be sèhane ñe amu ba dzing ñe. (Mat. 22:37, 38) Édzing beyeghe Bible be bele akal Jehôva éde da ye be vole naa be tsen mam m’ézing me ye éning deba ya yem ngu’u éyong ba ye tubane minzukh. (1 Jean 5:3) Édzing deba akal Nzame da ye be tsini naa be ñong bautismo nge ki baptem.

Voleghe beyeghe Bible buè naa be yen édzing Nzame a bele akal deba. Silighe minsili ane : « Za dzam da yeghle wa nfa Jehôva ? » nge ki « Aval avé dzam té da lere wa édzing Nzame a bele akal duè ? » Voleghe bo naa bebién be yen aval Jehôva a vole bo. (2 Mila. 16:9) Kaneghe bo aval Jehôva a nga yalane meyaghlane muè ya tsini be naa bebién be yen aval Jehôva a yalane meyaghlane meba. Mia ye bele bôra mevakh éyong mia ye yen beyeghe Bible ba yebe édzing Jehôva ya lere naa be bele môra élat ya ñe.

DAGHANE ÉNGENGENG VOLEGHAN BEYEGHE BIBLE BENAN NAA BE VEME ÉLAT DEBA YE JEHÔVA, ÉYONG TÉ MIA YALANE MINSILI MIA ZU MI :

• Za minzukh Jade a nga tubane mio ?

• Aval avé Neeta a nga vole Jade ?

• Aval avé Jade a nga dang nzukh wèñ ?