Ña angom a ne « é môt a ne élat ye wa, ye naa a tsii wô n’nem. » Éfônan, Jonathan ba David be nga sum mbemba angom deba niène David a nga wiñ Goliat. (1 Sam. 18:1) Kada môt y’été a mbe bele mefulu me nga dure é môt mboo. Éde, angom é ne ngu’u é tsii ébe ña n’yemane. A yaghe ayem é môt mboo da sili tam ye ngu’u. Ve, bi ne bele « mengom » éyong bia sia fit atoan a nden. Abuiñ mengom me ya nden be ne kômane é dzam ba ye dzô, ye likh naa é bôt bevoo be yen be aval ba kômô. É ne ébubu naa be chale aval môt be ne. Ve, é ne édedèè éban naa bi yem ‘mengom bia kômô bele a nden.’ Ô taa kô-wong naa wa tep é bôt ba dzaa wa angom a nden, amu naa waa kômô ki be ve n’nem abé. Bôt b’ézing ba top naa baa dzeng ki mengom a nden amu ba yen abé da zu ôyap. Ve nge wa top naa wa dzeng mengom a nden, za dzam wa yiène baghle ôsiman ?

DAGHANE ÉNGENGENG BELEGHANE METÔBAN ME Y’A NDEN YE AKENG, ÉYONG TÉ MIA YALANE MINSILI MIA ZU MI :

• Za dzam wa yiène tare fas kaa naa ô tsili dzam ézing nge ki a lôm fôrô a nden ?

• Amu dzé mina yiène tugha top mengom menan a nden ?

• Amu dzé wa yiène ve meniè abim tam wa ye lôt ye mengom muè a nden ?—Beéph. 5:15, 16