NFA beyeng be mbe ke meluman nsama bizima David été, be mbe béé lang été befam ane Zélek moan Ammonitas nge ki Ammonite, Uri moan Hitita nge ki Hittite, ye Itma moan Moabita nge ki Moabite a (1 Mila. 11:39, 41, 46). Nsama bizima David été bi mbe fe kuane « Bekeretitas, Bepeletitas ye Beguititas nge ki Bekeréthien, Bepeléthien, ye Begatéen » (2 Sam. 15:18). Be mbe béé simane naa, Bekeretitas ye Bepeletitas nge ki Bekeréthien ye Bepeléthien be mbe édedèè élat ye Befilisteos nge ki Bephilistin (Ézéch. 25:16). Beguititas nge ki Begatéen baa be nga yiène so é kisoan Befilisteos nge ki Bephilistin ba luè naa Gat (Jos. 13:2, 3 ; 1 Sam. 6:17, 18).

Amu dzé David a nga ñong beyeng nsama bizima wèñ été ? A mbe é tobe mebun naa, béé se ki ñe kong ye dang-dang naa, be mbe sôsôe ye Jehôva. Éfônan, nfa wa daghe Bekeretitas, Bepeletitas nge ki Bekeréthien ye Bepeléthien, The New Interpreter’s Dictionary of the Bible a dzô naa : « Be nga tsini naa ba tobe sôsôe ya David amben metam édjié dèñ é nga tôbane bura mindzukh. » Aval avé ? « Éyong befam besese be ye Israel » be nga lame kéza David naa ba ke ba béé « nsong mintsiè ba luè naa Sabé », ve Bekeretitas, Bepeletitas nge ki Bekeréthien ye Bepeléthien baa be nga tobe sôsôe ye David ye vole ñe naa a mane ya ébirane Sabé a nga bo (2 Sam. 20:1, 2, 7). Tam éfe, é moan kéza David ba luè naa Adoniyah a nga dzeng naa a ñong éto ésaa. Ve, Bekeretitas, Bepeletitas nge ki Bekeréthien ye Bepeléthien be nga tsini naa ba wulu sôsôe ye David, ye vole telesalomon éñi Jehôva a nga top naa a tobe kéza évang David (1 Bed. 1:24-27, 38, 39).

N’neng nfe a nga tobe sôsôe ye David, a ne Ittai moan Gitita nge ki Gatéen. Ittai ye bezima 600 bèñ, be nga sukh kéza David asi, éyong é ndôma dzèñ Absalom a nga tebe ñe é ngam ayat ye ve naa, befam be ya Israel be lume ñe mvus. Atarga, David a nga dzô Ittai naa a taa zu luman, amu a mbe n’neng, éé mbe ki alumane dèñ. Ve, éde Ittai a nga dzô ñe naa : « Bebela ya bebela naa, ane Jehôva ya kéza ba ning, é vôm ôsese nti wom kéza a ye ke, a bo awu nge ki éning, vôm té éwô mbo ésèñ wiè a ye tobe ! » (2 Sam. 15:6, 18-21)

Amben Bekeretitas, Bepeletitas ye Beguititas nge ki Bekeréthien, Bepeléthien, ye Begatéen be mbe beyeng, be mbe béé ñong Jehôva ane ña Nzame ye David ane ntobane Jehôva. David a nga yiène yen n’nem mbeng naa a bele ézizang dèñ aval besôsôe be bôr beté !