AÑII É bobedzang be tele añii, be ne vèè naa ba vole mina. Éngôngoo, bèèghane melepgha ba ye mina ve nfa aval mina yiène tele metua, aval mina yiène wulu a nda ésesang été, aval mina yiène top éto, ya mam mefe.

AVOLE ÔSUA Éngôngoo, yemghane naa é bobedzang ba tsié de ba ye daghe fave é dzam da yi naa be sèñ môt avôô.

BAUTISMO / BAPTÊME Nge béé dzi ki top vôm afe, bito é bôt ba ye duban bi ne ôsu, bébéñ plataforma nge ki estrade. É bôt ba ye duban ba ye tobe vôm té é môs sono melu mesaman, kikiri kaa naa ntun akal bautismo / baptême ô sum. Kada môt ye été a yiène bele tawôlô ya bitôp ba dubane bio bia yiène.

BEMEME Nge mina kômô bo ésèñ ézing é tsi ya ésesang di, mi ne ke yen é bobedzang be ne añii ya éba ba tsié mam bememe.

BIVEVEE É nda ésesang di é bele abim bito bia yiène, bengini akal audio- video, ye abuiñ mam mefe ma vole bia naa bi yem buane ésesang a mvoa été, ye naa bi yire Jehôva bébéñ. Bivevee bienan bia ye vole naa bi sukh ma meté asi, ye fe sukh ésèñ minkanghlé da boban a si ése ngura. Naa é tobe mina ébubu, be va ke ba tuè abuiñ biwala bivevee abuiñ mevôm me ya nda ésesang. Mi ne fe ve bivevee a nden wèè, a donate.dan124.com. Bia ve mina akiba akal bivevee bise mina ye bo. Tsîn Ékôan da ve fe mina akiba akal é fulu akap mina lere, naa mina sukh bisèñ bi ye Édjié Nzame.

É BIÔM BI VA DZIMI É biôm bise mina yen naa bi va dzimi, mina yiène bi ke kee é bobedzang ba kale é biôm bi va dzimi. Nge mine va dzimlé dzôm ézing, keghane vôm té nfa ye naa mine dzeng é dzôm denan. Vôm té fe, éwô ba ke likh é boan be va dzimi. Ve dèè, naa mii taa kele min’nem minan ôyô akal naa moan a va dzimi mina, mina yiène yem baghle é boan benan.

ÉTOBGHA Éngôngoo, simghan é bôt bevoo éyong mina top é vôm mina ye tobe. Baghlane naa, mia yiène ñii afôô fave akal bôt be ya nda-bôt denan be ne mina bébéñ, é bôt mina bebe mia tobe, é bôt mina bebe mi va so metua mboo, nge ki akal é bôt mia bo ayeghle Bible. Éngôngoo, mine taa bui dzôm ézing bito bife.