AYEGHLE 14
Aval avé bi ne ve Nzame ékang da ve ñe n’nem mbeng ?
Aval bi va yen de ayeghle bi ndaghe mane di, se ki min’yebe misese émi Nzame a yebe. Ve, bi ne kang Mvele wèè aval da ve ñe mevakh. Dzé é ne « ékang [nge ki, n’yebe] » wa ve ñe n’nem mbeng ? (Jacques 1:27, atoan é ne asi) Daghane é dzam Bible a yeghle nfa té.
1. Dzé da yiène tobe tsîn ye ékang dèè ?
Ékang dèè da yiène tobe tsîn a Bible été. Yésu a nga dzô Nzame naa : « Nkobe wiè ô ne bebela. » (Jean 17:17) Abuiñ min’yebe miaa bis ki é bebela a ne a kalare Nzame été, Bible. Mia tsen be bebela beté ya meyeghle ya metum boan be-bôt. Ve, Jehôva aa yebe ki é bôt « ba tele metsing mèñ a feng. » (A lang Marc 7:9.) Nfa mboo, bia ve ñe mevakh a n’nem éyong ékang bia ve ñe é bele tsîn a Bible été ya dzale melepgha mèñ.
2. Aval avé bia yiène kang Jehôva ?
Jehôva Mvele wèè, a yiène naa éñe étam bi wume. (Melere 4:11) Dzam té da yili naa éñe étam bia yiène dzing ya kang, kaa naa bia belane biyema, bivaghle nge ki biôm bife.—A lang Esaïe 42:8.
Bia yiène kang Jehôva aval a « yebe ye yen nfuban. » (Beromain 12:1) Dzam té da yili naa bia yiène ning bi kang metsin metsing mèñ. Éfônan, é bôt ba dzing Jehôva ba dzing ye tông metsin metsing mèñ ma daghe alukh. Ba tup mimboane mi ne abé ane : a ñu taa, bang nge ki a bira ñu meyokh. a
3. Amu dzé bia yiène kang Jehôva nsama ya é bôt bevoo ?
Bisulan bia ye sono, bia likh bia naa bi « lughu Jehôva . . . ékôan été. » (Bya 111:1, 2) Dzam avoo ye été é ne éyong bia lughu Nzame ya bya. (A lang Bya 104:33.) Jehôva a kômô naa bi tobe bisulan amu naa a dzing bia ye naa a yem naa dzam té da ye bia vole naa bi buane éning é ne mbèmbèè. Éyong bia kôane nsama ya é bôt bevoo naa bia vehane ngu’u, bia bebién bia buane fe.
A TUGHA FAS
Fasghe amu dzé Jehôva aa yebe ki naa bi belane bivaghle ékang été. Yeghe meval me ne éban bi ne lughu Nzame.
4. Biaa yiène ki belane biyema ékang dèè été
Aval avé bia yem naa nge bi bo do, da ye ve Nzame n’nem abé ? Daghane ÉNGENGENG, éyong té mia lèè minlang mia daghe nsili wa zu wi :
-
Metam me ya Bible, dzé nga bobane éyong ayong Nzame é nga dzeng naa é kang ñe béé belane éyema ?
Abim bôt ba wôrane naa be ne Nzame bebéñ éyong ba belane biyema ékang deba été. Ve, ye dzam té é ne vane likh naa Nzame a tebe be ôyap ? A lang Akôre 20:4-6 ya Bya 106:35, 36, éyong té mia lèè minlang mia daghe minsili mia zu mi :
-
Za aval biôm nge ki bivaghle wa yen bôt ba belane bio bikang bieba été ?
-
Za dzam Jehôva a wôran éyong bôt ba belane biyema ?
-
Za dzam wa wôran éyong wa belane biyema ?
5. A kang fave Jehôva, da kôre bia nfa minèè mi ye bivus min’yebe
Yeneghe aval a kang Jehôva aval da yiène da kôre bia nfa bivus meyeghle. Daghane ÉNGENGENG.
ÉNGENGENG : La vérité l’a libéré nge ki Libre gracias a la verdad (5:16)
A lang Bya 91:14, éyong té mia lèè minlang mia daghe nsili wa zu wi :
-
Za dzam Jehôva a kiagh naa a ye bo akal dèè, éyong bia lere naa bia dzing ñe bi kang fave ñe ?
6. Bia kang Nzame bisulan biè
Bia lughu Jehôva ye vehane ngu’u bevoo ya éba bevoo, éyong bia yiè ye ve biyalane bisulan. A lang Bya 22:22, éyong té mia lèè minlang mia daghe minsili mia zu mi :
-
Ye mia dzing biyalane mia wokh bisulan ?
-
Ye ô ne kômane naa wa fe ô ve éyalane ?
7. Jehôva a dzing a yen éyong bia kobe ya é bôt bevoo é mam bia yeghe
Bi bele abuiñ meval bi ne kobe ya é bôt bevoo be bebela be ne a Bible été. A lang Bya 9:1 ya 34:1, éyong té mia lèè minlang mia daghe nsili wa zu wi :
-
Za mam m’ézing ô yegheyang a Bible été ô ne kômô kobe ya bôt befe ?
NGE MÔR ÉZING A DZÔ WÔ NAA : « Bii se ki ve Nzame n’nem mbeng. »
-
Wa simane dzam té yè ?
AKIGHE BES
Bia ve Mvele wèè n’nem mbeng éyong bia kang fave ñe, éyong bia lughu ñe bisulan biè ékôan été, ya éyong bia kobe ya é bôt bevoo é mam bi nga yeghe.
Ôbaghle
-
Aval avé bi ne yeghe a kang Nzame aval a yebe ?
-
Amu dzé bia yiène kang fave Jehôva ?
-
Amu dzé bia yiène kang Nzame ya é bôt ba kômô ñe ve n’nem mbeng ?
Ô NE FE KE DAGHE
Nlang « Je ne suis plus esclave des idoles » nge ki « Ya no soy esclava de los fetiches », été wa ye yen aval avé minenga ézing a nga likh ékang biyema.
« La Bible transforme des vies » nge ki « La Biblia les cambió la vida » (La Tour de Garde, 1er Juillet 2011 ; La Atalaya, 1 de julio de 2011)
Daghe é dzam é ne wô vole naa ô ve biyalane bisulan bi ye ékôan.
« Loue Jéhovah dans l’assemblée » nge ki « Alabemos a Jehová en la congregación » (La Tour de Garde, Janvier 2019 ; La Atalaya, enero de 2019)
Daghe abuane étong moan fam é nga ñong naa a ke bisulan amben déé mbe ki ñe ébubu naa a bo do.
Jéhovah a pris soin de moi nge ki Jehová se interesa por mí (3:07)
Abuiñ ba belane cruz nge ki croix ane é dzôm bekristen ba yiène belane do, ve ye bia yiène belane do ékang dèè été ?
« Pourquoi les Témoins de Jéhovah n’utilisent pas la croix dans leur culte ? » nge ki « ¿Por qué no usan la cruz los testigos de Jehová? » (Nlô-adzô té ô ne a nden)
a Minlô-medzô mité bia ye mi fas meyeghle ma zu.
