AYEGHLE 21
Aval avé bia kanghle mbemba fuèñ ?
Jehôva a nkuna belane Édjié dèñ naa a mane vèè minzukh misese miè. Môt asese a yiène yem mbemba fuèñ té. Yésu a nga kômô naa be ke ba kanghle môt asese fuèñ té ! (Matthieu 28:19, 20) Aval avé Bengaa Jehôva ba dzale é dzam Yésu a nga dzô be naa be bo ?
1. Aval avé éfus Matthieu 24:14 da dzalban ému ?
Yésu a nga dzô naa : « Ba ye kanghle mbemba fuèñ ye Édjié té si se ngura. » (Matthieu 24:14) Bengaa Jehôva be ne édedèè mevakh naa ba bo mbemba ésèñ té. Bia kanghle mbemba fuèñ té si se ngura a lôt minkobe 1000 ! Môra ésèñ té da sili naa bi tugha kôman ya bira sèñ. Déé mbe ki boban kaa avol Jehôva.
2. Za mengu’u bia ve naa bi kanghle bôt ?
Bia kanghle mevôm mesese bi ne yen bôt. Ane bekristen be ye ntet mimbu ôsua, « bia kanghle menda-menda. » (Bisè mintôl 5:42) Aval minkanghle mité, da likh naa bi kanghle bizukh bi-bôt kada mbu. Bia kanghle fe minseng amu naa bôt béé se ki menda meba éyong ésese. Bia dzeng fe éyong ése naa bi kobe ya bôt adzô Jehôva ya nkômane wèñ.
3. Beza ba yiène kanghle mbemba fuèñ ?
Beña bekristen besese ba yiène kanghle é bôt bevoo mbemba fuèñ. Biaa ñong ki naa ésèñ dèè é ne zeze dzam. Bia kanghle abim sese bi ne de bo amu bia yem naa ésèñ té é ne nii abuiñ bôt. (A lang 1 Timothée 4:16.) Baa yaane ki bia naa bi bo ésèñ té, amu Bible a dzô naa : « Mine nga ñong das, vaane fe das. » (Matthieu 10:7, 8) Se ki môt asese éñe a yebe é fuèñ dèè. Ve, bia tsini naa bia kanghle amu bia yem naa bia bo Jehôva mewokh ya ve ñe n’nem mbeng.
A TUGHA FAS
Yeghe abuiñ mam mefe nfa mengu’u mesese Bengaa Jehôva ba ve naa ba kanghle si se ngura, ya yen aval Jehôva a vole bo.
Minkanghle si se ngura : (A) Costa Rica, (B) Estados Unidos nge ki États Unis, (C) Benin, (D) Tailande nge ki Thaïlande, (E) Yap, (F) Suecia nge ki Suède
4. Bia ve mengu’u naa bi kanghle môt asese
Bengaa Jehôva ba ve mengu’u naa be kanghle mbemba fuèñ é vôm sese bôt be ne. Daghane ÉNGENGENG, éyong té mia lèè minlang mia daghe nsili wa zu wi :
-
Za dzam da name mia nfa mengu’u Bengaa Jehôva ba ve naa ba kanghle ?
A lang Matthieu 22:39 ya Beromain 10:13-15, éyong té mia lèè minlang mia daghe minsili mia zu mi :
-
Aval avé ésèñ minkanghle dèè da lere naa bia dzing é bôt bevoo ?
-
Za dzam Jehôva a wôrane nfa é bôt ba kanghle mbemba fuèñ ? —A daghe éfus 15.
5. Bia sèñ ya Nzame
Abuiñ mam ma lere naa Jehôva éñe a ne tsin ésèñ dèè. Éfônan, a Nueva Zenlandia nge ki Nouvelle-Zélande moadzang a too éyôla naa Paul nge ki Pablo a nga yen minenga ézing éyong a mbe minkanghle menda-menda. Mekiri mesese minenga té a mbe é yaghlane Nzame ye belane éyôla dèñ, Jehôva, ya dzaa naa môt a zu ñe fep é nda dzèñ. Paul nge ki Pablo a dzô naa « niène mewola melal me nga lôt, a ne me nga ke ñe kut mbéñ. »
A lang 1 Becorinthien 3:9, éyong té mia lèè minlang mia daghe nsili wa zu wi :
-
Aval avé é dzam é nga boban a Nueva Zenlandia nge ki Nouvelle-Zélande da lere naa Jehôva éñe a ne tsîn ésèñ minkanghle dèè ?
A lang Bisè mintôl 1:8, éyong té mia lèè minlang mia daghe nsili wa zu wi :
-
Amu dzé é ne éban naa Jehôva a vole bia akal ésèñ minkanghle dèè ?
Ye ô va yem de ?
Ésulan ye ézizang sono dèè ase, ba ve bia avol akal ésèñ minkanghle. Nge ô tare ya so ésulan daa ye été, za dzam wa simane nfa avol ba ve bia ?
6. Bia dzale ésèñ minkanghle Nzame a nga ke bia
Ntet mimbu ôsua, minzizing Nzame mi nga dzeng naa mia tele ésèñ minkanghle beyeghe Yésu. Bekristen ôsua be nga kame ésèñ minkanghle deba béé ve naa « édjié é yem [. . .] mbemba fuèñ. » (Bephilippien 1:7) Bengaa Jehôva ba bo fe aval daa ému. a
ÉNGENGENG : Defendemos legalmente las buenas noticias nge ki Ils défendent la bonne nouvelle en justice (2:28)
A lang Bisè mintôl 5:27-42, éyong té mia lèè minlang mia daghe nsili wa zu wi :
-
Amu dzé biaa ye ki sim naa bia kanghle ?—A daghe bifus 29, 38, ya 39..
NGE MÔR ÉZING A SILI WÔ NAA : « Amu dzé Bengaa Jehôva ba kanghle menda-menda ? »
-
Wa ye yalane yè ?
AKIGHE BES
Yésu a nga lôm beyeghe bèñ naa be kanghle mbemba fuèñ si se ngura. Jehôva a vole be-bo bisèñ bèñ naa be bo ésèñ té.
Ôbaghle
-
Aval avé ba kanghle mbemba fuèñ si se ngura ?
-
Aval avé minkanghle bia bo mia lere naa bia dzing é bôt bevoo ?
-
Ye wa tem naa a kanghle é ne so bia mevakh ? Amu dzé wa tem do ?
Ô NE FE KE DAGHE
Daghe aval Bengaa Jehôva ba kanghle é bôra bekisoan.
Predicación pública especial en áreas metropolitanas en París nge ki Paris : Témoignage public spécifique aux grandes villes (5:11)
Za mengu’u Bengaa Jehôva ba ve naa be kanghle besobe ?
Calmamos la sed espiritual de los refugiados nge ki Ils étanchent la soif spirituelle d’hommes et de femmes réfugiés (5:59)
Mpwaghe mefan a kanghle aval ésèñ minkangle é nga so ñe mevakh éning dèñ.
Margarita Königer: Un viaje incomparable nge ki Margarita Königer : Heureuse d’avoir choisi cette carrière (6:29)
Yeneghe minlang mia daghe medzô Bengaa be nga wun nfa a kanghle mbemba fuèñ.
« Los mensajeros del Reino acuden a los tribunales » nge ki « Les prédicateurs se défendent devant les tribunaux » (El Reino de Dios ya está gobernando nge ki Le Royaume de Dieu en action ! ayeghle 13)
a Nzame éñe a nga dzô naa bi kanghle. Éde, déé se ki éban naa Bengaa Jehôva be sili bedjié naa ba kômô kanghle mbemba fuèñ.
