AYEGHLE 46
Amu dzé bia yiène ve Nzame éning dèè ya ñong baptem nge ki bautismo ?
Éyong môt a ve Jehôva éning dèñ, a kiagh ñe meyaghlan été naa a ye kang faave ñe ye tele ñe ôsu éning dèñ ése. (Bya 40:8) Éyong ô mana bo dzam té, vèè ô ntoo ñong baptem nge ki bautismo. Mboane té wa lere mesu bôt bese naa ô ve-hang Nzame éning duè. Nkighan bia ñong naa bia ve Jehôva éning dèè, é ne é dzam da dang éban éning dèè. Dzé é ne wô tsini naa ô ñong abim môra nkighan té ?
1. Dzé da tsini môt naa a ve Jehôva éning dèñ ?
A ne édzing, éde da tsini môt naa a ve Jehôva éning dèñ. (1 Jean 4:10, 19) Bible a dzô naa : « Wa yiène ñeghe Jehôva Nzame ya n’nem wiè ôse, ya é ñuu duè ése, ya ôtemgha wiè ôse ya é ngu’u duè ése. » (Marc 12:30) Bia lere naa bia dzing Nzame se ki fave ya é mam ma kuiñ bia añu, ve ya fe mimboane miè. Aval ane ña édzing da tsini fam ye minenga naa be lat alukh deba, aval daa fe, édzing bi bele akal Jehôva da tsini bia naa bi ve ñe éning dèè ya ñong baptem nge ki bautismo.
2. Za biboran Jehôva a ve Bengaa bèñ be ñong-hang baptem nge ki bautismo ?
Bautismo nge ki baptem a ye ve naa ô ñii é môra nda-bôt Jehôva é ne mevakh été. Éyong té, wa ye yen ane éñeghe dèn da lereban meval abuiñ, ya fe naa, wa ye tobe bebéñ ya ñe a lôt melu mvus (A lang Malachie 3:16-18.) Jehôva a ye bo ésaa wiè, wa ye bo môt mboo ya é nda-bôt befam ya binenga be ne mesi mese, ba ñeghane ya lere Jehôva édzing. (A lang Marc 10:29, 30.) Aval ane bi tare-yang de yen, wa yiène tare dang bitèñ bizing naa ô ke kuiñ baptem nge ki bautismo. Édi ôsua, wa yiène yeghe a yem Jehôva, a dzing ñe, ya bele mebun ébe é Moan wèñ. Édi bèè, wa yiène ve Jehôva éning duè. Niène wa ye lôt bitèñ bité ya ñong baptem nge ki bautismo, ô nga wulu-yang é zen da ye ke wa éning é ne mbèmbèè. Kalare Nzame a dzô naa : « Bautismo nge ki baptem [. . .] da kôre bia. »—1 Pierre 3:21.
A TUGHA FAS
Yeneghan amu dzé a ve Jehôva éning dèè ya ñong baptem nge bautismo é ne édedèè éban.
3. Bia bese bia yiène top é môt bia ye sèhane ñe
Melu ô mvus, boan Bisraélite nge ki Israelitas b’ézing be mbe bé simane naa be ne fulane ékang ba ve Jehôva ya évus nzame Baal. Ve, Jehôva a nga lôm nkulu medzô wèñ Élie nge ki Elías naa a ke vèè mbimbia ôsiman té. A lang 1 Bedjié 18:21, éyong té mia lèè minlang mia daghe nsili wa zu wi :
-
Bisraélite nge ki be Israelitas be nga top za dzam ?
Aval ane Bisraélite nge ki be Israelitas, biaa fe bia yiène top é môt bia ye sèhane ñe. A lang Luc 16:13, éyong té mia lèè minlang mia daghe minsili mia zu mi :
-
Amu dzé bii se ki fulan ékang bia ve Jehôva ya édi môt nfe nge ki dzôm éfe ?
-
Aval avé bi ne lere Jehôva naa éñe bia top naa bia kang ?
4. A binan édzing Jehôva a bele akal duè
Jehôva a nga ve bia abuiñ mbemba bedas. Aval avé bi ne ñe de bulan ? Daghane ÉNGENGENG.
ÉNGENGENG : Lo que podemos regalarle a Dios nge ki Offrons des cadeaux à Dieu (3:04)
Meval mevé Jehôva a nga lere naa a dzing wa ? A lang Bya 104:14, 15 ya 1 Jean 4:9, 10, éyong té mia lèè minlang mia daghe minsili mia zu mi :
-
Abim bedas bese Jehôva a keeya wa, das évé wa dang ñeghe ?
-
Za dzam wa wôran ébe Jehôva éyong wa simane bedas beté ?
Éyong môt a ve bia é das bia bira ñeghe, bi wôla ñe lere naa bia yem mbeng a va bo bia. A lang Deutéronome 16:17, éyong té mia lèè minlang mia daghe nsili wa zu wi :
-
Éyong wa siman é mam mese Jehôva a bo-hang akal duè, za dzam ô ne dzeng naa ô ve ñe ?
5. A ve Jehôva éning duè da so abuiñ abuan
Abuiñ bôt ba simane naa, duma, mbemba ésèñ, a bele be mono éme ma so be mevakh. Ve, ye é ne bebela ? Daghane ÉNGENGENG, éyong té mia lèè minlang mia daghe minsili mia zu mi :
-
Afang bo naa Andreï a mbe é dzing a lè ndama, amu dzé a nga dzame de ?
-
A nga kikh naa a ve éning dèñ ése Jehôva a lôt ndama. Ye nkighan té ô mbe sôsôe ? Amu dzé ?
Kaa naa a bo moan kristen, ntôl Paul nge ki Pablo a mbe bele mbemba asu ésèñ. A nga yeghe metsing Bejuif nge ki Judíos ya n’yeghle be mbe béé bira yem. Ve, a nga likh zen té naa a bo moan kristen. Ye a nga dzôbane ya nkighan té ? A lang Bephilippien 3:8, éyong té mia lèè minlang mia daghe minsili mia zu mi :
-
Amu dzé Paul nge ki Pablo a nga dzô naa é mam mese a nga bo kaa naa a bo moan kristen me ne ane « angôs mbuèn » ?
-
A nga wun dzé niène a nga likh mam meté ?
-
Ébe wa, dzé da ye dang so wa mevakh : ye a sèhane Jehôva nge ki a bo dzam afe éning duè ?
Éyong Paul nge ki Pablo a nga bo moan kristen, a nga bele abuiñ a lôt abim a nga dzimle melu ô mvus
NGE MÔR ÉZING A DZÔ WÔ NAA : « Déé se ki éban naa ô ve Nzame éning duè. »
-
Ye wa tem naa da yiène naa ô ve Jehôva éning duè ?
AKIGHE BES
Édzing bi bele akal Jehôva da tsini bia naa bi ve ñe bining biè ya ñong baptem nge ki bautismo.
Ôbaghle
-
Amu dzé da yiène naa bi dzing Jehôva ya n’nem ôse ya kang ñe ?
-
Aval avé Jehôva a borane Bengaa bèñ be ñong-hang bautismo nge ki baptem ?
-
Ye wa kômô ve Jehôva éning duè ?
Ô NE FE KE DAGHE
Yeneghe amu dzé n’yiè bia ya n’lè ndama, be nga kikh naa ba ve Jehôva bining bieba ?
Los jóvenes preguntan… ¿Qué haré con mi vida? Al mirar atrás nge ki Les jeunes s’interrogent… Que vais-je faire de ma vie ?-Souvenirs (6:54)
Yeneghe mekalgha mefe ma ve naa bi ve Jehôva bining biè.
« ¿Por qué hay que dedicarse a Jehová? » nge ki « Pourquoi se vouer à Jéhovah ? » (La Atalaya, 15 de enero de 2010 ; La Tour de Garde, 15 janvier 2010)
Yeneghe éngengeng mezik da lere mevakh é bôt ba ve Jehôva bining bieba ba bele.
Nlang « Durante años me pregunté para qué estamos aquí? » nge ki « Pendant des années, je me suis demandé pourquoi on existe » yeneghe é dzam é nga tsini minenga naa a tugha fas é mam a yiène tele ôsu éning dèñ.
« La Biblia les cambió la vida » nge ki « La Bible transforme des vies » (La Atalaya, 1 noviembre de 2012 ; La Tour de Garde, novembre 2012)
