Minlughan mia yane naa mevakh be nga wôran éyong be nga lughan ma ye tobe mbèmbèè éning deba. É ne boban. Bekristen be lughane-yang ayap, ye naa be nga sèñ ngu’u naa be dzale melepgha me ya Bible, ba yem naa é ne boban.

1. Za melepgha Bible a ve beyôm ?

Jehôva a nga tele n’nôm naa, éñe a ne nlô ya nda-bôt. (A lang Beéphésien 5:23.) Jehôva a yane naa, fam é ñong minkighane mia ye so abuan é nda-bôt dzèñ été. Bible a Dzô beyôm naa : « Tsinighane naa mia dzing beyè benan. » (Beéphésien 5:25) Dzam té da yili yè ? Dzam té da yili naa, n’nôm a ne édzing, a yiène lere ngal mbemba fulu a bo naa, be ne a nda, ya fe a bôt été. A kame ñe, a ve naa a tobe mevakh été, ya naa, a bele é mam mese a yi. (1 Timothée 5:8) Édi da dang éban é ne naa, a vole ñe naa a bele mbemba élat ya Jehôva. (Matthieu 4:4) Éfônan, ane a yaghlan ya lang Bible ba ngal. Éyong n’nôm a yem baghle ngal ya édzing, a baghle mbemba élat ya Jehôva.—A lang 1 Pierre 3:7.

2. Za melepgha Bible a ve beyèè ?

Kalare Nzame a dzô naa, minenga « a yiène bele abuiñ ngang ébe n’nôm. » (Beéphésien 5:33) Aval avé a ne de bo ? A ne simane é mbemba mefulu n’nôm a bele, ya é ngu’u a ve naa, a baghle ñe ya é boan beba. A ne fe de lere éyong a sukh minkighane n’nôm a ñong, ya naa éyong a kobe ya ñe, a yiène de bo ya mbemba bifiè, a kobe fe ñe mbeng asu bôt befe, amben aa sèhane ki Jehôva.

3. Aval avé minlughan mi ne wônô alukh deba ?

Édi da daghe minlughan, Bible a dzô naa : « Bebèñ ba ye bo môt mboo. » (Matthieu 19:5) Dzam té da yili naa ba yiène saalé é dzam ésese é ne be kane. Ba bo de éyong ba lôt tam nsama, éyong bebèñ ba kobe é mam ba siman ya wôrane ya édzing. Baa likh ki dzôm ézing nge ki môt ézing nge éé se ki Jehôva, naa a bo édedèè éban, a lôt n’nôm nge ki ngal wôba. Ba dang bo nkee naa, be taa bo élat daa yiène ki ya môt nfe.

 A TUGHA FAS

4. A beyôm, dzinghane ya baghle é binenga benan

5. A beyèè, dzinghane ya ve beyôm benan ngang

Bible a tsini beyèè naa be ve beyôm ngang, a bo naa ba sèhane Jehôva nge ki kaa. A lang 1 Pierre 3:1, 2, éyong té mia lèè minlang mia daghe minsili mia zu mi :

• Nge ñu-n’nôm aa kang ki Jehôva, bebela a ne naa wa kômô naa a bo de. Za dzam wa tem naa é ne wulu mbeng, ya bira ñe kanghle nge ki a bele mbemba mefulu ya lere ñe abuiñ ngang ? Amu dzé wa tem do ?

Beyôm ya beyèè be ne ñong mbemba minkighane nsama. Ve daa, biyong bizing minenga a ne bo kaa yebe  nkighane n’nôm a ñong. Minenga a ne ñe dzô é dzam a siman, kaa yèè, ya abuiñ ngang, ve, a yiène yem naa Jehôva a nga kee n’nôm ayem naa a kikh é dzam da dang mbeng akal é nda bôt dzèñ. A yiène dzeng naa a sukh nkighane n’nôm asi. Dzam té da ye ve naa, é nda-bôt dzèñ é tobe mevakh été. A lang 1 Pierre 3:3-5, éyong té mia lèè minlang mia daghe nsili wa zu wi :

• Za dzam Jehôva a wôran éyong a yen minenga a ve n’nôm ngang ?

6. Ô ne kôm mintiè mi ne alukh duè été

 AKIGHE BES

N’nôm ba ngal be ne tobe mevakh éyong ba dzinghane ye ve-hane ngang, béé dzale metsin metsing me ya Bible.

Ôbaghle

• Za dzam n’nôm a yiène bo naa alukh dèñ é tobe mevakh été ?

• Za dzam n’gal a yiène bo naa alukh dèñ é tobe mevakh été ?

• Nge ô ne nlughan za tsin atsing ya Bible é ne wô vole naa ô wônô alukh duè ?