Ngalane ayeghe Bible di, ô va yeghe abuiñ mam nfa Jehôva. É mam ô va yeghe me va ve wô naa, ô bira ñe dzing, aval é nga ve naa ô kômô ñe ve éning duè ye dzeng naa ô ñong bautismo nge ki baptême. Nge waa be ki de bo, éyong ézing wa tem naa wa ye de bo melu ma zu. Ve, n’vemane ya nsisim wiè, waa yiène ki sim ya bautismo, éde ô ne tsini naa wa veme élat duè ya Jehôva mbèmbèè. N’yenghan aval avé ?

1. Aval avé ô ne tsini naa wa veme élat duè ya Jehôva ?

Wa yiène tsini naa wa ve mengu’u naa ô veme élat duè ya Jehôva. Amu dzé ? « Naa mi taa vaghle ke ôyap » ya ñe. (Behébreu 2:1) Za dzam é ne bia vole naa bi tsini naa bia sèhane Jehôva ya sôsôe ? Bia yiène bele abuiñ ésèñ nfa minkanghle ya dzeng meval mefe bi ne sèhane Nzame ya n’nem ôse. (A lang Bephilippien 3:16.) A sèhane Jehôva a ne é dzam da dang mbeng éning !—Bya 84:10.

2. Za dzam afe wa yiène tsini naa wa bo ?

Amben ayeghle Bible é manang, éning moan kristen duè da tsini ôsu. Bible a dzô naa : « Bia yiène boat nféféñ môt. » (Beéphésien 4:23, 24) Éyong wa ye tsini naa wa yeghe nkobe Nzame ya tobe bisulan bi ye ékôan, wa ye yeghe mam mefe nfa Jehôva ya mefulu mèñ. Dzenghe naa ô tugha vu mefulu mèñ éning duè. Tsinighe naa wa tsen aval da yiène naa ô ve Jehôva n’nem mbeng.

3. Aval avé Jehôva a ye wô vole naa ô vem a nsisim ?

Bible a dzô naa : « Nzame [. . .] émièn a ye mane ayeghle denan. A ye mina wônô, a ye mina ve ngu’u, a ye mina ve naa mi yem naa seng. » (1 Pierre 5:10) Bia besese bia tubane mebobelan. Ve, Jehôva a ve bia é dzam bia yi naa bi zômô. (Bya 139:23, 24) A kiagh naa a ye mina ve nkôman ya mengu’u naa mi sèhane ñe ya sôsôe.—A lang Bephilippien 2:13.

 A TUGHA FAS

4. Tsinighe naa wa kobe ya é môra angom duè

Meyanghlan ya ayeghe Bible bi va vole wa naa ô bo angom Jehôva. Aval avé mam meté me ne wô vole naa ô tugha ñe yit bebèñ ?

A lang Bya 62:8, éyong té mia lèè minlang mia daghe nsili wa zu wi :

• Naa élat duè mia Jehôva ébo ngu’u, aval avé ô ne bo naa meyaghlane muè me bo édokh ?

A lang Bya 1:2 ya atoan é ne asi, éyong té mia lèè minlang mia daghe nsili wa zu wi :

• Naa élat duè mia Jehôva ébo ngu’u, aval avé ô ne bo naa nlanghane Bible wiè ô bo mbeng ?

Aval avé ô ne tugha buan ayeghle Bible duè ? Naa ô yen mefakh m’ézing, daghane ÉNGENGENG, éyong té mia lèè minlang mia daghe minsili mia zu mi :

• Za mefakh m’ézing ô va yen éngengeng été naa ô ne dzale ?

• Za minlô medzô ô ne kômô yeghe ?

 AKIGHE BES

Tsinighe naa wa wône élat duè ya Jehôva ya kômane mam nfa ye a nsisim. Éde, wa ye bele éning é ne mbèmbèè !

Ôbaghle

• Amu dzé ô ne bele mebun naa Jehôva a ye wô vole naa ô sèhane ñe ya sôsôe ?

• Aval avé ô ne wône élat duè ya Jehôva ?

• Amu dzé a kômane mam nfa ye a nsisim da ye wô vole naa ô vem nfa ye a nsisim ?