Bible Mu Asɛm A Yebosusu Ho Da Biara
Sɛ ehwɛ Daa Asɛm no mu a, ibohu Bible mu asɛm pɔtsee bi a wɔdze ama dɛ yensusu ho da biara nye no ho nkyerɛkyerɛmu. Dɛm buukuu yi botum aboa wo ma da biara eenya Bible mu asɛm bi a ɔhyɛ dzen.
Ɔwɔ mu dɛ ibotum akenkan kyerɛwsɛm no nye no ho nkyerɛkyerɛmu no aber biara wɔ da no mu dze, naaso nyimpa pii ehu dɛ, sɛ wosusu ho anapa a, ɔboa hɔn paa. Iyi boa hɔn ma wotum dwendwen kyerɛwsɛm no ho ofitsi anapa kesi ewimbir. Sɛ ewɔ ebusua a, hom botum abɔ mu esusu daa asɛm no ho, na iyi bɔboa hom paa.
Ibotum akenkan daa asɛm no wɔ Ɔweɔn-Aban INTANƐT DO NWOMAKORABEA no do, anaadɛ ibotum atwe afe mu no nyina dze no ne PDF wɔ intanɛt do.
Bi A W'enyi Bɛgye Iyi So Ho
EDWINDADZE A WƆDZE SŨA BIBLE NO
Bible Ho Encyclopedia
Insight on the Scriptures kyerɛkyerɛ nsɛm ahorow pii mu kɔ ekyir. Nsɛm a ɔdze ho nkyerɛkyerɛmu ma no, bi nye nkorɔfo, mbea ahorow, ndua, mbowa, nsɛm etsitsir bi a osisii, nye Bible mu nsɛm bi a ogyina hɔ ma adze fofor bi. Sɛ etwe nwoma yi bi wɔ intanɛt do a, ibenya maap ahorow, mfonyin, mfatoho ahorow, nye nsɛm bi anaa kyerɛwnsɛm ahorow bi ho nhwehwɛmu wɔ mu.