Yɛdze Bible mu afotusɛm a ɔse “Hom ndzi nyimpa nyina nyi” no yɛ edwuma, ɔmmfa ho ɔsom a nyimpa no wɔ mu. (1 Peter 2:17) Dɛ nhwɛdo no, wɔ aman ahorow bi mu no, yɛwɔ Jehovah Adasefo mpempem pii wɔ hɔ. Naaso, yɛmmbɔ mbɔdzen dɛ yɛbɛhyɛ amanyɛfo anaa mbrahyɛfo ma wɔaabra ɔsom afofor anaa woeesiw hɔn som ho kwan. Dɛmara so na yɛnnkɔ ɔsatu ama wɔaahyɛ mbra ma obiara eedzi hɛn abrabɔ gyinapɛn nye ɔsom mu ahyɛdze ahorow no do. Ntsi, yɛnnsoɛr nntsia ɔsom biara dɛ mbrɛ hɛn enyi bɔsɔ dɛ hɔn so wɔnnkɔsoɛr etsia hɛn no.​—Matthew 7:12.