Sɛ ehwɛ nsɛm a ɔwɔ afe 2019 Ɔweɔn-Aban no mu a, ana ibotum ebua nsɛmbisa a odzidzi do yi?

Nyankopɔn no bɔhyɛ yi kyerɛ dɛn: “Dadze biara a wɔbɔ tsia wo no, ɔrennsaa”? (Isa. 54:17)

Yebotum enya ahotodo dɛ Nyankopɔn bɔbɔ hɛnho ban efi “ahoɔhufo no ehuhuw” ho. (Isa. 25:4, 5) Hɛn atamfo runntum nnyɛ biribi a ɔbɛma yehu amandze afebɔɔ.​—w19.01-TW, nkr. 6-7.

Ebɛn kwan do na mbrɛ Nyankopɔn nye Canaanfo na Israelfo a wɔyɛɛ asoɔdzen dzii no daa n’atsɛntsenenee edzi?

Hɔn a wɔyɛɛ nda mu ndzeyɛɛ a ɔyɛ abofon anaa wɔyɛɛ mbaa nye mbofra bɔn no, Nyankopɔn buu hɔn atsɛn. Naaso, nkorɔfo a wɔyɛɛ setsie maa no na wɔnye afofor dzii no yie no, ohyiraa hɔn.​—w19.02-TW, nkr. 22-23.

Sɛ obi a ɔnnyɛ Jehovah no somfo robɔ mpaa na yɛwɔ hɔ bi a, ebɛnadze na ɔsɛ dɛ yɛyɛ?

Yebotum ayɛ komm na yaada obu edzi, naaso yɛrennkã “amen” mmfa nngye do. Dɛmara so na yerunnsuo afofor nsamu ber a mpaabɔ no rokɔ do no. Hɛnankasa botum abɔ hɛn mpaa wɔ hɛn tsirmu.​—w19.03-TW, kr. 31.

Sɛ obi seesee abofra a, ebɛnadze ntsi na ɔyɛ bɔn a enyiber wɔ mu?

Sɛ obi seesee abofra a, ɔayɛ bɔn a otsia abofra no, asafo no, aban no, nye Nyankopɔn. Sɛ wɔbɔ obi sombo dɛ ɔaseesee abofra, na mbra hwehwɛ dɛ wɔbɔ aban no amandzɛɛ a, ɔwɔ dɛ asafo mu mpanyimfo dzi do.​—w19.05-TW, nkr. 9-10.

Ebɛnadze na ebɛyɛ dze asesa w’adwen sunsum no, mekyerɛ, tum a okenyan w’adwen no?

Ndzɛmba a ohia a ibotum ayɛ nye yi: Bɔ Jehovah mpaa. Dwendwen Jehovah n’asɛm ho na fa yɛ woho mu nhwehwɛmu. Fa anyɛnkofo pa.​—w19.06-TW, kr. 11.

Ebɛnadze na yebotum ayɛ ndɛ dze esiesie hɛnho ama ɔtaa?

Ɔsɛ dɛ yɛhyɛ ebusuabɔ a yɛnye Jehovah wɔ mu dzen. Nya awerɛhyɛmu dɛ ɔremmpa hɛn da. Kenkan Bible no da biara, na bɔ mpaa daa. Nya gyedzi paara dɛ nhyira a Nyankopɔn akã dɛ n’Ahendzi no dze bɛba no bɛba mu. Kyer kyerɛwnsɛm na ayɛyindwom a ɔda w’akoma do gu wo tsirmu.​—w19.07-TW, nkr. 2-4.

Ebɛnadze na yebotum ayɛ dze aboa hɛn ebusuafo ama wɔaagye hɔn nkwa?

Ohia dɛ yɛbɛda tsema edzi akyerɛ hɔn, yɛbɛma hɛn abrabɔ pa edzi dase, yebenya hɔnho abotar na yɛnnkɛhyɛ da ara ayɛ adze a ɔbɛhaw hɔn.​—w19.08-TW, nkr. 15-17.

Sɛ yɛhwɛ Jesus no bɔhyɛ a ɔwɔ Matthew 11:28 no a, ebɛn kwan do na yenya ahomgye?

Yɛwɔ asafo mu mpanyimfo a wɔdɔ hɛn, anyɛnkofo papa, nye edwuma a ɔkyɛn edwuma biara.​—w19.09-TW, kr. 23.

Ebɛn kwan do na Nyankopɔn bɛma yenya ɔpɛ na tum dze ayɛ n’apɛdze? (Phil. 2:13)

Sɛ yɛkenkan Nyankopɔn n’Asɛm na yɛdwendwen dza yɛakenkan no ho a, Nyankopɔn botum ama yeenya ahoɔdzen. Iyi bɛma yenya ɔpɛ na tum a yɛdze bɛyɛ n’apɛdze. Nyankopɔn no sunsum krɔnkrɔn botum ama yeenya nyimdzee pii.​—w19.10-TW, kr. 21.

Ebɛnadze na ɔsɛ dɛ yɛyɛ ansaana yeesi gyinae bi a no ho hia?

Ɔsɛ dɛ yɛyɛ dɛm ndzɛmba enum yi: Ɔsɛ dɛ yɛyɛ nhwehwɛmu a ɔkɔ ekyir. Ɔsɛ dɛ yɛbɔ mpaa hwehwɛ nyansa. Ɔsɛ dɛ yesusu siantsir a yerisi gyinae no ho. Ɔsɛ dɛ yehu ndzɛmba pɔtsee a yɛbɛyɛ dze edzi gyinae a yerisi no ho dwuma. Ɔsɛ dɛ yehu dza yebotum ayɛ.​—w19.11, nkr. 27-29.

Aso ɔkra a onnwu da nkyerɛkyerɛ no fi asɛm a Satan kãa kyerɛɛ Eve no mu?

Ɔda edzi dɛ mbuae no yɛ oho. Satan kãa kyerɛɛ Eve dɛ onnkowu. Ɔannkã dɛ Eve ne nyimpadua na obowu, na no sunsum eefi no mu akɛtsena beebi. Wɔtɔɔr ator som nyina ase wɔ Noah Nsuyirii no mu. Ntsi, ɔbɛyɛ dɛ ɔkra a onnwu da nkyerɛkyerɛ no hyɛɛ ase ansaana Nyankopɔn robɔ nyimpa a nna worisi Babel abantsentsen no apetse.​—w19.12, kr. 15.